ЯҢАЛЫКЛАР
2015 елның 24 июнендә Чепьядагы «Наз» тернәкләндерү бүлекчәсендә татар халкының милли бәйрәме - Сабантуй уздырылды. Бәйрәмдә ат чабышы, капчык сугышы, аркан тартыш уены, чиләк-көянтә белән су ташу hәм башка уеннар үткәрелде. Сабантуй-уеннар,җыр биюләр белән аралашып барды. Барлык тернәкләнүчеләргә дә бу чарада катнашырга мөмкинлек булды. Әлеге узган чаралар тернәкләнүчеләргә сәламәтлекләрен ныгыту өчен зур мөмкинлек бирә.
Норма авылында яшәүче Фәйзрахманова Рәбига Гариф кызына 24 июнь көнне 90 яшь тулды. Балтач муниципаль район башлыгы урынбасары Наил Сабирҗанов, район социаль яклау бүлеге җитәкчесе Алсу Гатиятуллина, социаль хезмәт күрсәтү бүлекчәсе мөдире Әнисә Хәйруллина, Карадуган авыл җирлеге башлыгы Шамил Низамиев, “Игенче” авыл хужалыгы продуктлары җитештерү кооперативы экономисты Илдар Сәмигуллиннар юбилярны котлап, изге теләкләрен җиткерделәр. Президент Путиннын котлау открыткасын, Балтач муниципаль район башлыгы, соңгы эш урыны һәм авыл җирлеге исеменнән бүләк-күчтәнәчләр тапшырдылар.
Норма авылында яшәүче Гарипова Рәмзия Гариф кызына 24 июнь көнне 90 яшь тулды. Балтач муниципаль район башлыгы урынбасары Наил Сабирҗанов, район социаль яклау бүлеге җитәкчесе Алсу Гатиятуллина, социаль хезмәт күрсәтү бүлекчәсе мөдире Әнисә Хәйруллина, Норма авыл җирлеге башлыгы Фәнил Кәлимуллин, Балтач почтамб начальнигы Гали Фәйзрахмановлар юбилярны котлап, изге теләкләрен җиткерделәр. Президент Путиннын котлау открыткасын, Балтач муниципаль район башлыгы, соңгы эш урыны һәм авыл җирлеге исеменнән бүләк-күчтәнәчләр тапшырдылар.
22 июнь көнне сәгатъ 10да Балтач районының барлык авыл җирлекләрендә Хәтер һәм кайгы көненә багышланган митинглар булып узды. Буген сугышта һәләк булып калган барлык райондашларыбызны кабат искә алдык һәм өлкән буыныбызга олы рәхмәтебезне җиткердек. Митингта оешма әшчеләре, мәктәп укучылары, “Волонтер” һәм “Яшь гвардия” активистлары катнашты.
Борнак авыл китапханәсендә китап укучылар белән Россия көне уңаеннан «Ватан кайдан башлана” исемле күзәтү үткәрелде.
20 июнь көнне Балтач районы Салавыч Сәрдегәне авылында «Мобиль хезмәт» исеме астында халык белән очрашу чарасы булып үтте. Халыкка социаль хезмәт күрсәтү үзәге «Наз» белгечләре өйләргә йөреп әңгәмәләр уткәрделәр. Халык белән очрашу «Сабантуй» белән дәвам итте.