ЯҢАЛЫКЛАР
13 нче Февраль көнне Көек китапханәсендә “Гашыйклар көне” уңаеннан “Кайнар йөрәкләр” исемле музыкаль уен-кичә үткәрелде. Бәйрәмгә хас уеннарда авыл халкы бик теләп катнашты, чара азагында махсус бәйрәм уңаеннан куелган тартмага салынган открыткалар ияләренә тапшырылды. Чараны дискотека белән тәмамладык!
11 нче Февраль көнне Көек китапханәсендә шагыйрь-язучы, Советлар Союзы Герое Муса Җәлилгә карата әдәби кичә үткәрелде. Биредә укучылар белән оештырылган кичәдә шагыйрьнең тормыш юлы, иҗаты, китапларына карата зур хөрмзт хисе тагын бер кат ассызыкланды. Башваткыч, “Кызыл ромашка таҗлары” формасында үткәрелгән уеннар балаларга бик ошады.
Шулай ук бу көнне эфганчыларыбыз хөрмәтенә дә балаларга әдәби чыганаклардан мәгълүмат бирелде. Балалар күргәзмәләр белән танышты, яна фикерләр белән кайтып киттеләр.
6 февраль көнне Көек китапханәсендә авыл халкы белән уен-кичә үткәрелде. Күңел ачып уеннар белән мавыккан арада, авылның өлкән буыннары белән бергә яшьләребездә домино өстәл уенында үз осталыкларын күрсәтте!
Патриот шагыйрь Муса Җәлилнең тууына 110 ел тулу уңаеннан 15 февраль көнне Кили авыл китапханәсендә “Гасырларга күчәр батырлык”дип исемләнгән әдәби кичә 3-4 сыйныф укучылары катнашында үткәрелде. Балалар Муса Җәлил турындагы белемнәрен тагын да ныгыттылар.
16 февраль көнне Афганчы интернационалистлар көне унаеннан Балтач Мәдәният үзәге автоклуб хезмәткәрләре катнашында Балтач үзәк ашханәсендә бәйрәм оештырылды.
13 февраль көнне Шода авыл клубында лаеклы ялга чыгучы авылдашларны котлау йөзеннән юбилей кичәсе оештырылды.
-Һәр милләттә исеме телгә алынуга ук ихтирам уята торган шәхесләр була. Муса Җәлил әнә шундый исемнәрнең берсе. Быел шагыйрьнең тууына 110 ел. Шул уңайдан Чепья авыл китапханәчесе 8 сыйныф укучылары өчен "Каһармн шагыйрь" дип исемләнгән класс сәгате үткәрә. Укучылар кыскача гына шагыйрьнең тормышы, иҗатын искә төшереп узалар һәм мини викторина үткәрелә.
15 нче февраль көнне Биектау районы Шапши авыл мәдәният йортында "Ел хатын-кызы. Хатын-кыз күзе белән ел ир-аты” республика конкурсының зона бәйгесе узды. Әлеге бәйгедә Балтач районы өч төрле номинациядә катнашты. “Ир-егет – изге йөрәк” номинациясендә Гайнетдинов Фагил Фәләхетдинович уңышлы чыгыш ясап җиңү яулады.
14 февральдә картинг ярышлары булды.
Узышу ярышлары иртәнге сәгать 10.00да Балтач сөт-май комбинаты янындагы мәйданда карт тибындагы автомобильләрдә узышу ярышы башланды. Барлыгы өч командада Балтач урта мәктәбе, ДОСААФ автомәктәбе укучылары һәм Кукмара командалары уенчылары көч сынашты.
Ярышларда 16 автомобиль катнашты. Иң җитезләр булып, Балтачның ДОСААФ автомәктәбе укучылары Ислам Хәйруллин белән Айназ Хөснетдинов һәм Кукмара егете Рәсим Галимов танылды. Алар өчесе дә төрле типтагы карт машиналары белән беренче урында җиңү яуладылар. “Стриж” категорияле автомобильләр арасында икенче урында шулай ук Балтачның ДОСААФ автомәктәбе укучысы Азат Мөхәммәтҗанов булды.
Түнтәр авылында яшәүче Фәүзия Гәйнетдин кызы Рәхматуллинага 15 февраль көнне 95 яшь тулды.