ЯҢАЛЫКЛАР
Бүген 29 июнь көнне Хезмәтне саклау һәм хезмәт шартлары буенча координацион советның чираттагы утырышы булды. Көн тәртибе буенча балигъ булмаган балаларның җәйге ялда кыр эшләре вакытында хезмәт шартларын саклау турында чыгышлар ясалды.
27-29 июнь көннәрендә "Балтач" ял паркында Балтач үзәк зурлар китапханәсе хезмәткәрләре тарафыннан наркоманиягә каршы көрәш максатыннан “Не сломай свою жизнь” исемендә буклетлар эшләнеп яшүсмерләргә таратылды.
Бүген 29 июнь көнне төшкә кадәр районның авыл җирлеге идарәләре хисапчылары аттестация үтте. Комиссия рәисе район башкарма комитеты җитәкчесенең беренче урынбасары Илшат Галимуллин һәм комиссия әгъзалары район финанс-бюджет палатасы рәисе Рафис Ильясов, контроль-хисап палатасы рәисе Равил Кәримов һәм территориаль казна бүлеге җитәкчесе (ТОДК) Ильнар Сафин һәр хисапчыдан бюжет, исәп-хисап, үзара салым акчалары һәм башка мәсьәләләргә кагылышлы сораулар биреп, белемнәрен һәм һөнәри осталыкларын тикшерделәр. Барлыгы 16 хисапчы имтихан тотты. Үз эшенең осталары дип Нөнәгәр, Пыжмара, Урта Көшкәт авыл җирлеге хисапчылары табылды.
Балаларның яраткан әдипләре, аларга күп әкият-шигырьләр, роман-повестьлар бүләк иткән рус шагыйре А.С.Пушкинның июнь аендатуган көне. Шул уңайдан балаларны тагы бер кат аның әсәрләре белән таныштыру максатыннан Балтач үзәк балалар китапханәсендә 28 июнь көнне Балтач урта мәктәбе каршында оешкан “Крепыш” мәктәп яны лагеренда тәрбияләнүче балалар өчен “Пушкин приходит со сказкой” дип аталган интеллектуаль уен узды. Балалар әдипнеңәкият-шигырьләре буенча төзелгән берничә турдан торган уенда катнашып, ахырдан “Сказка о царе Салтане, о сыне его славном и могучем богатыре князе Гвидоне Салтановиче и о прекрасной царевне Лебеди” исемле мултьфильм карадылар.
Бүген – 29 июнь көнне Дорга авылында “Авыл көне “ була. Районыбызның керәшен татарлары яшәүче Дорга авылы элек-электән һәр ел саен, нәкъ шушы көнне үзләренең традицион бәйрәмнәрен үткәрәләр. Керәшен халкының яшәү рәвешен, милли гореф-гадәтләрен, йолаларын чагылдырган бу бәйрәм элек-электән табигать кочагында, ямьле җәй аенда оештырылган. Райондашлар аны көтеп ала, бер мәйданда бәйрәм итеп, төрле бәйге, уеннарында катнаша. “Авыл көне”нең иң мәртәбәле кунаклары республиканың “Бәрмәнчек” керәшен фольклор ансамбле. Инде алар өченче ел рәттән үзләренең чыгышлары белән бәйрәмне бизәп торалар.
Татарстан Дәүләт Советының XIX утырышында “Хезмәт ветераны” исемен бирү тәртибе һәм шартлары турында”гы ТР законына үзгәрешләр кертү хакында” 242-5 нче номерлы республика закон проекты 3 укылышта кабул ителде
Тиздән авылда кызу урып-җыю чоры башланачак. Тир түгеп үстерелгән игеннәрнеӊ вакытында амбарга кайтарылуы урып-җыю чорында кырларда эшләячәк комбайннарныӊ техник торышына, механизаторларныӊ һөнәри осталыгына, белгечләрнеӊ һәм җитәкчеләрнеӊ оештыру сәләтенә турыдан-туры бәйле.
Бөрбаш Сәрдегәне авылында яшәүче Латыйпова Асия Маннаповнага 28 июнь көнне 90 яшь тулды.
27 июнь көнне, кичке сәгатьләрдә бистәнең «Балтач» ял паркында район мәктәпләренең барлык 11 сыйныфлары өчен “Чыгарылыш кичәсе” үткәрелде.
5 июльдә Балтач муниципаль районының “Балтач” Хәләл Индустриаль парк җирлегендә Ураза гаетенә багышлап “Балтач Хәләл-ярминкә” уздырыла. Россия Федерациясенең район-калаларыннан, Казаннан хәләл ризык җитештерүчеләр ярминкәдә үзләренең продукциясен тәкъдим итәчәкләр. Татып карау мөмкинлеге тудырыла.