ЯҢАЛЫКЛАР

Чепья зурлар китапханәсендә 23 февраль бәйрәме уңаеннан 10 сыйныф укучылары өчен " Мужеству афганцев будьте достойны" исем астында  авылыбызның афганчылары Чуртанов В. П., Тарасов П.Г. белән очрашу үткәрелде. Афганчылар үзләренең хатирәләре белән уртаклаштылар, укучыларның күп сандагы сорауларына җавап бирделәр.Чепья авыл җирлегеннән хәрби учёт хезмәткәре Нотфуллина Д.Г.ның котлавы, "Халыклар дуслыгы музее" хезмәткәрләренең презентация белән катнашулары очрашуны тагы да баетты.

Смәел авыл китапханәсе 21 нче февральдә балалар язучысы Астрид Линдгреннның тууына110 ел тулу уңаеннан "Астрид Линдгренның мәңгелек балачак иле" дип исемләнгән чара уздырды.1-5нче сыйныф укучыларына язучының иҗат юлы турында сөйләнелде һәм "Эмиль изЛенниберги"фильмы күрсәтелде.

6 февраль көнне Яңгул китапханәчеләре үзләренең яшь китап укучыларына чит ил язучы –Астрид Линдгрен китапларын тәкъдим иттеләр һәм аның китапларыннан өзекләр кычкырып укылды,аның әсәрләре хакында фикер алыштылар.Бу язучының әсәрләре маҗаралар аша дуслык һәм мәхәббәт хакында,усаллык белән көрәшергә өйрәтә.6 февраль көнне Яңгул китапханәчеләре үзләренең яшь китап укучыларына чит ил язучы –Астрид Линдгрен китапларын тәкъдим иттеләр һәм аның китапларыннан өзекләр кычкырып укылды,аның әсәрләре хакында фикер алыштылар.Бу язучының әсәрләре маҗаралар аша дуслык һәм мәхәббәт хакында,усаллык белән көрәшергә өйрәтә.

Балтач үзәк зурлар һәм балалар китапханәләре 25 нче февраль көнне иртәнге 8 сәгатьтән 15 сәгатькә кадәр эшли. Сезне китапханәләребездә көтеп калабыз!

21 февраль көнне Борнак авыл китапханәсендә “Туган телем-татар телем, киңдер сиңа күңел түрем”исемле кичә 5-6 сыйныф укучыларына үткәрелде.

Укучылар кичәдә җырлар,шигырьләр белән актив катнаштылар.Туган тел! Һәркем өчен дә газиз бу сүз.Туган йортыбызның,туган телебезнең кадерле булуын без иң элек туган телебез аша тоябыз.Туган телебезне күз карасыдай сакларга,аңа тугрыклы булып,сүзләрне бозмыйча,саф татар телендә сөйләшергә тиешбез.Телебезне сакласак,халкыбыз да яшәр,Татарстаныбыз да чәчәк атар.

21 февраль көнне Балтач үзәк балалар китапханәсендә Халыкара Туган тел көне уңаеннан,балаларга туган телебезне белүнең әһәмиятен, аның матурлыгын аңлату максатыннан, Балтач гимназиясенең 5 сыйныф укучылары белән (җитәкчесе Шакирҗанова Р.И.)“Халкымның югалмас хәзинәсе” исемле тематик кичә узды. Кичәбез сөекле шагыйребез Г.Тукайның “Туган тел” җыры белән башланып китте. Кичә барышында балалар китапханәдә туган тел буенча булган әдәбият белән танышып, табышмак, мәкаль, әкиятләргә багышлап төзелгән уеннарда көч сынаштылар.Алар туган телебезне өйрәнүнең зур байлык икәнен аңлап киттеләр. Чарабыздисктан “Татар галәме” исемле видиофильм карау белән тәмамланды. Кичәдә 28 бала катнашты.

Ул телне шуңа күрә туган тел дип атыйлар да.Ул телгә баланы аның иң газиз, иң якын кешесе-анасы өйрәтә,шул телдә ана бишек җырларын җырлый,иркәли,юата... 21 февраль көнне Арбор авыл китапханәсендә Халыкара туган тел көненә багышланган "Тел-күңел көзгесе" исемле чара үтте.Чара барышында китапханәче туган телнең матурлыгы турында сөйләде.Укучылар туган телгә багышланган шигырьләр укыдылар,башваткычлар төзеделәр,викторина сорауларына җавап эзләделәр.

Совет гаскәрләренең Әфганстаннан чыгарылуына быел 28 ел тулды.Шушы уңайдан Арбор авыл китапханәсендә "Без бу җирдә  туып үскәннәр" дип исемләнгән күргәзмәгә күзәтү үткәрелде. Әфганстанда хәрби хезмәтләрен үтәп исән-сау әйләнеп кайткан һәм батырларча һәлак булган авылдашларыбыз турында мәгълүмат бирелде.

Халыкара туган тел көне уңаеннан Чепья балалар китапханәсендә урта мәктәпнең 10 сыйныф укучылары белән "Киләчәгем өчен мәңге кирәк телем" исеме астында  шигырьләр уку үткәрелде. Авылыбызда күп милләтле халык яшәвен искә алып, укучыларга үз ана телләрендә шигырьләр уку тәкъдим ителде.

Түбән Субаш авылында яшәүче Рәхимә Һади кызы Исеевага 17 февраль көнне 90 яшь тулды. Балтач муниципаль район башлыгы урынбасары Наил Сабирҗанов, район социаль яклау бүлеге җитәкчесе Алсу Гатиятуллина, социаль хезмәт күрсәтү бүлекчәсе мөдире Әнисә Хәйруллина, Югары Субаш авыл җирлеге башлыгы Рәнис Вафин юбилярны котлап, изге теләкләрен җиткерделәр. РФ Президенты В.В. Путинның Котлау открыткасын, Балтач муниципаль район башлыгы һәм авыл җирлеге исеменнән бүләк-күчтәнәчләр тапшырдылар.