ЯҢАЛЫКЛАР

31 март көнне Балтачүзәк балалар китапханәсендә берьюлы ике масса- чара узды. Иртәңге якта Балтач бистәсендә урнашкан беренче номерлы балалар бакчасының мәктәпкә хәзерлек төркеме балалары килсә, көннең икенче яртысында Балтач урта мәктәбенең 1А,Б,В сыйныфында белем алучы балалар кунакта булдылар. Балалар китапханәгә йөрү тәртипләре, китапханәбезгә кайткан яңа китаплар белән танышканнан соң, “Китап белән узган балачак” исемле балалар иртәсендә катнаштылар. Кечкенә китап укучыларыбызны әкият геройлары Соры бүре, Куян малае Кылый һәм Карлсон төрле уеннарда сынап, зирәклекләрен тикшерделәр. Балалар кошларга багышланган табышмакларга җавап биреп урманны баскан кортлардан котылырга ярдәм итсәләр, Карлсонның тәмле конфетларыннан авыз итеп, әкият геройларын таптылар.  Балалар ахырдан Куян малае Кылый күчтәнәчкә “алып килгән” мультфильмнар карап өйләренә укырга китаплар алып киттеләр. Чараларда барлыгы 93 бала катнашты.

29 нчы март көнне сәнгать мәктәбе укучылары Арча шәһәрендә узучы Бөек татар шагыйре Габдулла Тукайның тууына 131 еллыгына багышланган“Арча ягы- данлы Тукай ягы” дип исемләнгән XII нче Республика конкурсында катнашып югары уңышларга ирешеп кайттылар. Лауреат I: Хамитова З (Габдуллина Г.Р.) Лауреат II: Шакирзянова А (Габдуллина Г.Р.) Назипов Н (Гарипов Н.Н.) Инстр. ансамбль (Гарипов Н.Н.) Лауреат III: Ансамбль кураистов «Сандугач» (Фасхутдинов И.З.) Зарипова Д (Габдуллина Г.Р.) Закиров Д (курай) (Фасхутдинов И.З.) Закиров Д (домра) (Рамазнова Р.Р.) Дипломант I: Габдрахманов Р (Мустафин Ф.М.) Ризванов И (Хабибрахманова Г.А.) Дипломант II: Набиева М (Фасхутдинов И.З.) Нуриев К (Мустафин Ф.М.) Ансамбль баянистов( Гарипов Н.Н. ) Сагтдинов Р Салихова А.М. Дипломант III: Ибрагимова А (Музипова А.Ф.) Кадыров М (Фасхутдинов И.З.) Катнашучылар: Закиров Р (Мустафин Ф.М.) Фатыхов А (Мустафин Ф.М.) Галиев Н (Хабибрахманова Г.А.)

28 март көнне Борнак авыл китапханәсендә “Табигать-тиңсез хәзинә” исемле КВН  4-6 сыйныф укучылары  катнашында үткәрелде.Табигатьнең матурлыгына хозурлану гына аз,аны саклый да белергә кирәкле максатыннан үткәрелгән чарабызда дуслык җиңде.Укучыларның табигатьне яратулары сокландырды.

Чепья авылында  яшәүче сугыш ветераны Галиев Гарифҗан Гали улына 29 март көнне 90 яшь тулды.

Язгы каникуллар күз ачып йомганчы узып та китте. Укучылар  вакытларын Шеңшеңәр авыл китапханәсендә бик файдалы итеп үткәрделәр. Китап укырга яратучылар өчен яңадан-яңа китаплар тәкъдим ителде.  Компьютер аша “Вебландия”,  “Бала.рф” сайтларыннан да күп мәгълүмат алдылар. Компьтер аша да, кара-каршы да шашка, домино, шахмат кебек акыл эшчәнлеге сорый торган уеннарда үз көчләрен сынадылар. Кроссворд, сканворд чишәргә яратучылар “Сабантуй”, “Салават күпере” журналларында басылган башваткычларны бергәләп чиштеләр. Китапханәгә йөрүче барлык укучылар да ялларын файдалы үткәреп, җәйге каникулга кадәр яңадан тырышып уку өчен көч тупладылар.

Агымдагы елның 28 мартында “Наз” тернәкләндерү бүлекчәсенә Шеңшеңәр мәдәният йорты хезмәткәрләре хәйрия концерты белән килделәр.

Чепья авыл китапханәсе "Наз" тернәкләндерү үзәгендә  Октябрьнең 100 еллыгы уңаеннан "Хәтер -мәңгелек" дип исемләнгән тематик чара үткәрде. Кыскача гына тарих битләренә күз салып, Балтач җирлегендә революцияне ничек кабул иткәннәр, әйдаманнары кем булган-  ял итүчеләргә шулар хакында мәгълүмат бирелде.  "Время уходит, но с нами остаётся память" исемле  күргәзмәдә китаплар  белән  берр әттән совет чорындагы значоклар да куелган иде. Күргәзмәгә күзәтү ясалганнан соң  фикер алышу үткәрелде. 

2017-нче елның 28 мартында “Наз”үзәге социаль педагоглары Гульшат Салахова һәм Наталья Закирова тарафыннан Кече Лызи урта мәктәбендә “Бездә сәламәт яшәү рәвеше! Кушылыгыз.” диген флешмоб узды.

           

24 март көнне Борнак авыл китапханәсе “Хезмәтем һәм җыр-моңнарым,Балтачым сиңа багышлана” исемле концертта һәм  китапханәдә оештырылган “Туган як тарихы музее” экспонатлары, кул эшләре белән күргәзмәдә катнашты.                          

    Хезмәткәрләрнeң сәламәтлеген кайгырту максатыннан. “Наз” халыкка социаль хезмәт күрсәтү үзәге белгечләре эш көнен иртәнге зарядкадан башлыйлар. Яхшы кәеф белән башланган эш көне уңышлы уза.