ЯҢАЛЫКЛАР
Бүген – 1 июнь Балаларны халыкара яклау көнендә Балтач үзәк хастаханәсенең бала тудыру бүлегендә яңа туган сабыйны тантаналы төстә хастаханәдән чыгару чарасы узды. Баланы бала тудыру бүлегеннән чыгару шатлыклы, дулкынландыргыч мизгелләр, әлеге сөенечле вакыйга кеше күңелендә озак еллар саклана. Әлеге матур вакыйга уңаеннан яшь гаиләнең шатлыгын район башкарма комитетының ГХАТ бүлеге хезмәткәрләре дә уртаклашты. ГХАТ җитәкчесе Люция Рәис кызы Нигъмәтҗанова җылы теләкләр белән Гыйлметдиновлар гаиләсенә яшь Россия гражданының беренче рәсми документын – туу турында таныклык тапшырды. Шулай ук истәлекле бүләк һәм чәчәк бәләме бирде.
Кеше тормышында мөһим вакыйгалар шактый булса да, паспорт алу аеруча истә кала торганыдыр. Чөнки нәкъ шул мизгелдән син үзеңне тулы хокуклы Россия гражданины итеп хис итә башлыйсың.1 июнь - Халыкара балалар яклау көне уңаеннан, Балтач районы ГХАТ бүлеге, ФМС хезмәте белән берлектә 14 яше тулган 15 яшүсмер балтачлыларга паспорт тапшырдылар.
26 май – Россия эшмәкәрләре көне уңаеннан, кичә - 31 май көнне район Советының утырышлар залында районыбыз җирлегендә хезмәт куючы эшмәкәрләр белән эшлекле киңәшмә үтте.
Район башлыгы Рамил Нотфуллин киңәшмәне тәбрикләү сүзләренән башлады. “Эшмәкәрлек елдан-ел тормышыбызның барлык өлкәләренә дә ныграк үтеп керә. Балтач районында кече һәм урта бизнес өчен бөтен шартлар да бар. Бүгенге көндә эшмәкәрлек эшчәнлеге районыбыз үсешендә зур әһәмияткә ия.
Балтач муниципаль районында яңгынга каршы чаралар дәвам итэ.
“Өлкәннәр куркынычсызлыгын саклау” программасы нигезендә 2018 елның 31 маенда “Наз” тернәкләндерү бүлекчәсендә инвалидлар hәм өлкәннәр Чепья авылында урнашкан янгыннан саклау бүлек командиры Перемечев Эдуард Николаевич белән очрашты.
1 һәм 2 июндә төнге һәм иртәнге сәгатьләрдә Татарстан Республикасы территориясендә урын белән -2˚ кадәр салкын булуы көтелә
16 июндә Саба муниципаль районында үтүче креатив «MINGER» Сабантуенда иң матур ат конкурсы оештырыла
Чисталык икеайлыгы кысаларында үткәрелгән "ЭкоЯз" конкурсына йомгак ясалды, район этабы җиңүчеләре билгеле булды:
I. "Иң яхшы эко балалар бакчасы" номинациясендә - Салавыч балалар бакчасы;
2. "Иң яхшы эко мәктәп" номинациясендә - Норма урта мәктәбе коллективы;
3. "Иң яхшы эко гаилә" номинациясендә - Салавыч авылыннан Калимуллиннар гаиләсе;
4. "Иң яхшы оешма" номинациясендә "Факел" яшүсмерләр клубы җиңүче дип табылды.
Изге рамазан айларында районыбызныӊ күп авылларында ифтар ашлары үткәрелә. Ә 30 май көнне Балтач бистәсендә 350 кешегә әзерләнгән ифтар табыны мөселман кардәшләрне җыйды.
Ахшам намазы алдыннан район башлыгы Рамил Нотфуллин, районыбыз кураторы,Төзелеш һәм архитектура буенча Татарстан Республикасының дәүләт экспертизасы һәм бәя кую идарәсе дәүләт автоном учреждениесе башлыгы Мәҗит Хаҗип улы Салихов үзләренеӊ чыгышларында райондашларыбызны рамазан ае белән тәбрик итеп, ураза тотучыларга сабырлык теләп, халкыбызныӊ бердәм, тыныч шартларда яшәүләре үзе бер зур куаныч, дип билгеләп үттеләр. Балтач районы мөхтәсибе, Татарстан Республикасыныӊ Баш казые Җәлил хәзрәт Фазлыев үзенеӊ кыска, әмма үтемле вәгазендә һәр мөселман кешесенеӊ бурычлары, динебезгә кайту, холкыбызны тәрбияләү мәсьәләләренә тукталды.
31 майда төнлә һәм көндез Татарстан Республикасы территориясендә урыны белән 17 м/с кадәр көчле җил көтелә.