ЯҢАЛЫКЛАР

2019 елның 7 октябрендә Чепья мәдәният йортында Өлкәннәр көненә багышланган чара үткәрелде. Алар өчен чәй табыны әзерләнде, шулай ук концерт чарасы оештырылды. Өлкәннәрне Чепья авыл җирлеге башлыгы Нотфуллин А. Г., "Труд" җәмгыяте директоры Һадиев Р.Х., Чепья урта мәктәбе директоры Нурмиев С. Т. котладылар.

2019 елның 9 октябрендә 13.40 сәгатьтә Балтач «Форпост» үзәге өлкәннәр декадасы кысаларында Бөек Ватан сугышы ветераны Хасбиуллин М.Х. катнашында «Форпост» хезмәткәрләре һәм Балтач урта мәктәбе укучылары белән «Мастер класс» үткәрде.

Мәскәүдә Россия Федерациясе  Авыл  хуҗалыгы  министрлыгы  тарафыннан  оештырылган  I Халыкара агросәнәгать   форумы  (МАПФ-2019) эшли  башлады.     Форумның  “яшел” брендны  үстерүгә багышланган  пленар  утырышы  эшендә   Россия Федерациясе  Хөкүмәте  Рәисе    Дмитрий Медведев, Россия  Федерациясе  Хөкүмәте  Рәисе  урынбасары    Алексей Гордеев, БМОның Азык-төлек  һәм авыл  хуҗалыгы  оешмасы (ФАО) генераль  директоры   Цюй Дунъюй, Россия  Федерациясе  авыл  хуҗалыгы  министры    Дмитрий Патрушев, Сербия  Республикасы  авыл  хуҗалыгы,  урман  һәм су хуҗалыгы  министры  Бранислав Недимович, «Российская система качества» (“Россия  сыйфат  системасы”) коммерциягә карамаган автоном  оешмасы  җитәкчесе   Максим Протасов, «ФосАгро» ПАО генераль   директоры, Идарә рәисе    Андрей Гурьев, киләчәк   ашамлыкларын өйрәнүче    җәмәгать футурологы   Морган Гэй катнашты.

2019 елның 30 сентябрендә "Без- ул дөнья!" Медиаконкурсының заявка кампаниясе башланды. Проект инде 2015 елдан бирле "Татарстан Республикасының Иҗади яшьләр академиясе" региональ иҗтимагый оешмасы ярдәмендә тормышка ашырыла. Проект эшләү дәверендә төрле номинацияләрдә 500дән артык иҗат эше алынды һәм эшкәртелде. Ел саен проект яңа әйләнеш ала, яңа темалар, номинацияләр, призлар һәм, әлбәттә, яңа кешеләр һәм иҗат өчен чиксез киңлек барлыкка килә.

Начар метеорологик күренешләр: 11 октябрьдә төнлә һәм көндез Татарстан Республикасы территориясендә урыны белән көньяк-көнбатыштан исүче җилнең тизлеге секундына 15-20 метр (Казанда 15-18 м/с).

9 октябрьдә  “Алтын  көз 2019” күргәзмәсе  кысаларында  Марат Җәббаров  һәм  Россиянең  иң  эре  «ФосАгро-Регион» минераль ашламалар  дистрибуциясе  челтәре («ФосАгро» төркеме)  генераль  директоры  Андрей Вовк белән  “яшел агротехнологияләр” һәм экологик  чиста минераль   ашламалар  куллану  исәбенә  Татарстан  агросәнәгать комплексының экспорт куәтен гамәлгә ашыру  мәсьәләләре  хакында  фикер алыштылар.  

9 октябрьдә  Мәскәүдә  ВДНХада авыл  хуҗалыгы казанышлары  буенча  Россиянең  иң күләмле   “Алтын  көз – 2019”  21нче  агросәнәгать күргәзмәсе  ачылды.   Быел  күргәзмәдә Россия  төбәкләреннән,  якын  һәм  ерак  чит  илләрдән    1500дән артык   экспонент катнаша.  

2019 елның 9 октябрендә «Факел» яшүсмерләр клубы хезмәткәрләре коррекция мәктәбеннән балаларны шатлык һәм күңел ачу атмосферасына чумарга чакырдылар. Алар өчен «Мультфильм белгечләре» дигән интеллектуаль уен, күңелле биюләр һәм хәтерне тикшерү өчен биремнәр оештырдылар. Балалар табышмаклар чиштеләр, биеделәр, шаян биремнәр үтәделәр. Очрашу бик кызыклы һәм күңелле узды. Бүләкләрсез дә булмады, актив эшләре өчен клуб исеменнән футбол тубы бүләк иттеләр.

Хакимиятләр Россиядә агросәнәгать комплексына  булышуны  дәвам  итәләр,     илдә авыл  хуҗалыгы югары  технологияле, нәтиҗәле  һәм конкуренциягә  сәләтле булсын  өчен  әле  тагын  күп  нәрсә  эшләргә  кирәк,  дип белдерде  Россия  Федерациясе    премьер-министры  Дмитрий Медведев  “Алтын  көз” күргәмәсен  ачу  тантанасында.  

5 октябрь көнне Югары Субаш урта мәктәбендә Өлкәннәр көненә багышланган чара узды. Әлеге күркәм чарада Балтач район башкарма комитетының төзелеш һәм торак-коммуналь хуҗалык бүлеге җитәкчесе И. Н. Сәгъдиев, Тукай исемендәге ҖЧҖның баш инженеры Р. Р. Вафин, Югары Субаш авыл җирлеге башлыгы Р. Б. Вафин катнашты. Өлкәннәребез өчен бәйрәм табыны әзерләнгән иде. Бәйрәм ашы мәктәп балаларының һәм үзешчән артистларның матур чыгышлары белән тулыланды.