ЯҢАЛЫКЛАР
2020 елның 30 январендә Балтач районының Чепья авылында яшәүче Бөек Ватан сугышы ветераны Раимова Зоя Сергеевна үзенең 90 яшьлек юбилеен билгеләп үтте.
2020 ел 29 гыйнвар көнне Нөнәгәр урта мәктәбендә зур киңәшмә булып узды.
Киңәшмәдә Балтач районы башлыгы урынбасары Наил Нургаяз улы Сабирҗанов, район башкарма комитет җитәкчесе урынбасары Илһам Фидәел улы Гәйнетдинов, Балтач районы прокуроры Айрат Шакирҗан улы Низамиев, "Татарстан Республикасы Балтач районы башкарма комитетының мәгариф идарәсе" МКУ җитәкчесе Алия Юныс кызы Шагаева һәм мәктәп директорлары катнашты.
Нөнәгәр урта мәктәбендә узган чарада укучылар үзләренең төрле юнәлештәге эшчәнлекләре белән таныштырдылар.
28 гыйнвар көнне Нөнәгәр мәдәният йортында "Мәдәният дөньясына сәяхәт" исеме астында 1 сыйныф укучылары өчен мәдәният йорты белән танышу, клуб эшчәнлеге, андагы яңалыклар, үз-үзеңне тоту кагыйдәләре белән танышу-әңгәмә үткәрелде. Шулай ук ТАССРның 100 еллыгы, Бөек Җиңүнең 75 еллыгы уңаеннан ясалып куелган стенд ярдәмендә укучылар үзләренә күп кенә мәгълүмат алдылар.
2020 елның 27 гыйнварында МБУ «Хыял» яшьләр үзәге Балтач районы башкарма комитеты әйдәүче белгече Низамиева Ләйлә Фәргать кызы белән берлектә Балтач урта мәктәбе укучылары өчен «Алкоголь һәм алкоголь бәйлелеге» дигән профилактик ǝңгǝмǝ үткǝрде.
Начар метеорологик күренешләр: 31 гыйнварда төнлә һәм көндез Татарстан Республикасы территориясендә һәм Казанда урыны белән буран, бозлавык, көндез секундына 15-16 метр тизлектә җил.
Гаилә кыйммәтләрен һәм буыннар арасында элемтәне ныгытуга ярдәм итү максатыннан Татарстан Республикасының Архив эше буенча Дәүләт комитеты «Гаилә архивын тапшыр " республика конкурсы оештыра.
30 гыйнвар көнне Чепья авылында Балтач муниципаль районы Башлыгы Р.Р. Нотфуллин, Балтач район Советы һәм башкарма комитеты бүлекләре җитәкчеләре, оешма-предприятие җитәкчеләре, җирлек активы, шулай ук авыл җирлеге гражданнары катнашында халык җыены булып узды.
2020 елның 27 гыйнварында «Факел» яшьләр (яшүсмерләр) клубында Ленинград блокадасына багышланган викторина узды.
Викторина патриотизм һәм илебез тарихына хөрмәт тәрбияләүгә, блокададагы Ленинград тарихына карата кызыксынучанлыкны үстерүгә, әлеге тема буенча булган белемнәрне гомумиләштерүгә юнәлтелгән. Сорауларга җавап биреп, катнашучылар камалыштагы шәһәрдә яшәүчеләр өлешенә төшкән авыр сынаулар, ачлык һәм салкынлык, заводларда ир-атлар белән беррәттән эшләгән балалар һәм хатын-кызлар, совет солдатларының Ленинградны саклавы турында белделәр.
Викторинадан соң балалар пневматик винтовкадан ату буенча үз көчләрен сынадылар.
2020 елның 29 гыйнварында "Тайгалак-Шугалак" шугалагында "Факел" яшьләр (яшүсмерләр) клубы хезмәткәрләре балалар һәм яшүсмерләр өчен уен программасы үткәрделәр.
Чарага җыелганнарга күңелсезләнергә туры килмәде. Катнашучыларны күңелле хәрәкәтле уеннар, конкурслар көтте. Балалар күңелле һәм мавыктыргыч кышкы уеннарда бик теләп катнаштылар, үзләренең җитезлекләрен, тизлекләрен һәм чыдамлыкларын күрсәттеләр. Конкурсларда һәм уеннарда катнашкан өчен балалар татлы призлар алдылар.
28 гыйнвар көнне Куныр мәдәният йортында балалар белән "Сәламәтлек - зур байлык" дип исемләнгән әңгәмә узды.
Соңгы вакытта җәмгыятькә "снюс" дигән төшенчә килеп керде. Ул мәктәп укучыларының яңа куркыныч мавыгуы. Әңгәмәдә авыл фельдшеры Магсумҗанова Г.Г. чыгыш ясады, нәрсә ул "снюс", аның зарары һәм башкалар турында сөйләде, яшүсмерләргә буклет таратылды.