ЯҢАЛЫКЛАР

Әтнә авылы Комсомол урамында урнашкан Әтнә башлангыч мәктәп-балалар бакчасы каршында һәм Пыжмара авылындагы Г.Тукай – С. Мөлеков урамнары киселешендә җәяүлеләр кичү юллары төзекләндерелде.

Массакүләм чаралар хәзер мөмкин түгел, ләкин балачак атмосферасына чумасы килә. 1 июнь көнне «Факел» яшьләр (яшүсмерләр) клубы хезмәткәрләре балалар бакчасына йөрүче балалар өчен саф һавада уеннар оештырдылар. 

Гражданнарга 1941-1945 еллардагы Бөек Ватан сугышында Җиңүнең 75 еллыгын бәйрәм итүгә багышланган вакыйгалар, проектлар һәм чаралар турында мәгълүмат бирү максатыннан «Интернет» челтәрендә Хәтер һәм Дан елы Башкарма дирекциясенең рәсми сайты эшли: https://год2020.рф.

Икътисади кризис вакытында балалы гаиләләргә ярдәм итү максатларында Татарстан Республикасы Президенты Р. Н.Миңнеханов ата-аналар түләве структурасын яңадан карау турында Карар кабул итте. Шулай итеп, 12 майдан балалар бакчасында балалар булмаган вакытта ата-аналар түләвенең даими өлеше кимиячәк, шулай ук ата-аналар түләвенең гомуми күләме дә кимиячәк.

Татарстан Республикасы территориясендә метеорологик күренешләрнең интенсивлыгы турында консультация-кисәтү

1 июнь - Халыкара балаларны яклау көнендә Балтач ГХАТ бүлегендә 100нче баланың туу турында акты рәсмиләштерелде. 

2020 елның 25-27 май көннәрендә Татарстан Республикасы Балтач районы башкарма комитетының хезмәтне саклау һәм хезмәт шартлары буенча Координация советы тарафыннан районның авыл хуҗалыгы оешмаларында («Алга» ҖЧҖ, «Сорнай» ҖЧҖ, Тимирязев исемендәге ҖЧҖ, «Бөрбаш» ҖЧҖ, «Игенче» АХҖК, «Яңа тормыш» ҖЧҖ, «Борнак» ҖЧҖ, «Маяк» ҖЧҖ, «Кызыл юл» АХҖК, Тукай исемендәге ҖЧҖ, «Уңыш» ҖЧҖ, «Татарстан» АХҖК ҖЧҖ, «Смәел» ҖЧҖ) 2020 елга азык әзерләү компаниясе әзерлегенә күчмә тикшерү уздырылды.

РТРС генераль дирекциясе тарафыннан расланган 2020 елга пландагы ремонт эшләре графигы нигезендә, Шәмәрдән т. п.радиотелецентрында 2020 елның 8 нче июнендә 2.00 сәгатьтән 11.00 сәгатькә кадәр, аналоглар («ТНВ» ТРК АҖ) һәм цифрлы телевидение һәм радиотапшырулар программаларын тапшыруны туктатып торып, планлы ремонт-профилактика эшләре башкарылачак.

2020 елның 30 маенда Бөек Ватан сугышы ветераны - тыл хезмәтчәне Һадиев Риф Һади улы үзенең 90 яшьлек юбилеен билгеләп үтте. Район башлыгы Рамил Рәшит улы Нотфуллин юбилярны котлап, РФ Президенты В.В. Путинның котлау хатын, Балтач муниципаль район башлыгы исеменнән Рәхмәт хаты һәм кыйммәтле бүләк тапшырды. Шулай ук соңгы эш урыныннан, авыл җирлегеннән һәм авыл хуҗалыгы оешмасыннан килгән вәкилләр дә үз бүләкләрен тапшырдылар.

Һадиев Риф абый хатыны белән алты кыз тәрбияләп үстергәннәр.

31 май 21 сәгатьтән 1 июнь 21 сәгатькә кадәр метеорологик күренешләрнең интенсивлыгы турында консультация-кисәтү