ЯҢАЛЫКЛАР
2019 елның 1 ноябреннән 20 декабренә кадәр «Татарстан милли проектлары - 2019» республика фотоконкурсы уздырыла. Фотоконкурс Россия Федерациясе Президентының 2018 елның 07 маендагы 204 номерлы «2024 елга кадәр чорга Россия Федерациясе үсешенең милли максатлары һәм стратегик бурычлары турында» Указы нигезендә гамәлгә ашырыла торган милли проектлар составында Татарстан Республикасы проектларын гамәлгә ашыру нәтиҗәләрен күрсәтү максатында оештырыла.
2019 елның 14 ноябрендә «Факел» яшүсмерләр клубында «Үлем белән кайда сәүдә итәләр - хәбәр ит» акциясе кысаларында район хастаханәсе белгече Ф.М. Фатулаева катнашында очрашу узды. Ул балаларга ВИЧ, ВИЧ-йогышы турында нәрсә белергә кирәк, ул нинди юллар белән бирелгәнен сөйләде һәм сәламәт яшәү рәвеше алып баручы, үз тәртибе һәм сәламәтлеге өчен җаваплы кешеләр СПИД белән авырмый, һәр яшь кеше үз сәламәтлеге турында актив кайгыртуның кирәклеген аңларга тиеш дип ассызыклады. Очрашу презентация карау белән тәмамланды. Мондый чаралар бушка узмас һәм яхшы профилактика булыр дип өметләнәбез.
2019 нчы елның 14 нче ноябрендә МБУ «Хыял» яшьләр үзәге «Үлем белән кайда сәүдә итәләр - хәбәр ит » дигән Бөтенроссия акциясе үткәрде. Әлеге акциядә Балтач бистәсенең үзәк урамында буклетлар таратылды.
Чараның төп максаты – җәмәгатьчелекне наркотикларның законсыз әйләнешенә каршы торуга һәм аларны медицина күрсәткечләреннән тыш куллануны профилактикалауга җәлеп итү.
Чара өчен «Хыял» яшьләр үзәге педагог-оештыручысы Нәҗипова Л. Н. җаваплы.
13 ноябрьдә Россия Федерациясе авыл хуҗалыгы министрының беенче урынбасары Джамбулат Хатуов АПКның төбәк идарә органнары җитәкчеләре белән селектор киңшмәсе үткәрде, ул авыл хуҗалыгы җитештерүчеләре тарафыннан минераль ашламалар сатып алу һәм 2020 – 2025 елларда аларны кулланынуны арттыру мәсьәләләренә багышланган иде.
13 ноябрь көнне Балтач үзәк балалар китапханәсе хезмәткәрләре тарафыннан Балтач урта мәктәбенең 7 А сыйныфы укучылары өчен “Библиография илендә” дип аталган библиографик дәрес үткәрелде.
Идел алды һәм Көнбатыш Кама алды буенча (шул исәптән Балтач районы буенча) 2019 елның 13 ноябрь 18 сәгатьтән 2019 елның 14 ноябрь 18 сәгатькә кадәр:
Аязучан болытлы һава. Явым-төшемсез. Төньяк-көнбатыштан көньяк-көнчыгышка таба күчә торган җилнең тизлеге секундына 4-9 метр. Төнлә минималь һава температурасы 0..-3˚. Көндез максималь һава температурасы +1..+4˚. Төнлә һәм иртән юлларда урыны белән бозлавык.
Татарстан Республикасының «Наз» ятим балаларга һәм инвалидларга ярдәм күрсәтү төбәк иҗтимагый хәйрия фонды президенты Нурания Фердобаевна Сәйфетдинова инвалид балаларга, аз керемле һәм имин булмаган гаиләләрдәге балаларга уңай тәэсирләр бүләк итте - аларга «Яшәгән - пионер Лаптев» спектаклен карау мөмкинлеге бирде
12 ноябрьдә Россия Президенты Владимир Путин авыл җирлегендә яшәүче хатын-кызлар өчен кыскартылган эш көнен кертү күздә тотыла торган законга кул куйды, бу документ хокукый мәгълүматның рәсми интернет-порталында урнаштырылган.
16 ноябрьдә 11.00 сәгатьтә Казан дәүләт аграр университеты Татарстан Республикасы Авыл хуҗалыгы һәм азык-төлек министрлыгы ярдәме белән ачык ишекләр көне үткәрәчәк.
Бу көнне абитуриентлар һәм аларның әти-әниләре университет җитәкчелеге белән очраша, әзерлек юнәлешләре һәм 2020 елда кабул итү үзенчәлекләре белән таныша алачаклар. Авыл җирлегенә эшкә кайтырга теләгән балалар өчен укытуның максатчан программалары, югары уку йортын тәмамлаучыларга һәм студентларга дәүләт ярдәменең башка чаралары турында Татарстан Республикасы Авыл хуҗалыгы һәм азык-төлек министрлыгы вәкиле сөйләячәк.
Чара түбәндәге адрес буенча узачак: Казан шәһәре, К. Маркс ур., 65, Икътисад институты бинасында (актлар залы).
Бу хакта күптән түгел Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Җәббаров катнашында узган Татарстанның Фермерлар, крестьян хуҗалыклары һәм авыл хуҗалыгы кулланучылар кооперативлары ассоциациясенең киңәйтелгән утырышында “Бәрәкәт” ССК” АХП рәисе Рәмис Сәхапов сөйләде.