Балтач районы башлыгының Белем көне белән котлавы
Кадерле укытучылар, укучылар, студентлар һәм ата-аналар!
Сезне тантаналы һәм мөһим көн - уку елы башлану көне, белемгә старт бирү көне белән чын күңелдән котлыйм! Яңа җиңүләргә, яңа ачышларга юл алырга вакыт.
1 сентябрь – һәркемгә үзенчә якын булган бәйрәм. Мәктәп укучылары һәм студентлар өчен ул дуслар һәм яраткан укытучылар белән очрашу, кызыклы ачышлар һәм тәэсирләр белән тулы, ә өлкәннәр өчен бәхетле балачак һәм яшьлек еллары, сабакташлар турында иң җылы хатирәләр белән бәйле.
Кадерле балалар, үз максатларыгызга омтылыгыз, талантларыгызны ачыгыз, үз хыялларыгызга ышаныгыз, белем туплагыз һәм һәр көнегезне төрледән-төрле һәм кызыклы итәргә тырышыгыз. Ихлас күңелемнән нәниләргә тырыш һәм тыңлаучан булуларын, ә чыгарылыш сыйныф укучыларына мәктәптәге соңгы елның онытылмаслык һәм уңышлы узуын телим.
Балалар әти-әниләренең чын горурлыгы булсын, аларның һәркайсы үзләренең шәхси сәләтләрен һәм талантларын ачсын, ә сез, әти-әниләр, һәрвакыт аларга терәк булыгыз. Бу уку елы һәркемгә бары тик яхшы хис-кичерешләр, зур уңышлар, яхшы кәеф һәм шатлык алып килсен. Кадерле әти-әниләр, сезгә сабырлык, нык сәламәтлек, иминлек һәм балалар белән матур мөнәсәбәтләр телим.
Ә хөрмәтле укытучыларыбызга тырыш укучылар, мораль тотрыклылык, сәламәтлек һәм оптимизм телисе килә. Сез буыннан-буынга күчеп килә торган белемнәрне саклаучылар. Хезмәтегез кадерле һәм хөрмәтле булсын. Сезнең һәрберегезгә иминлек юлдаш булсын.
Хәерле сәгатьтә!
Хөрмәт белән, Балтач муниципаль район башлыгы Нотфуллин Рамил Рәшит улы