«Труд» ҖЧҖ базасында техник тикшерү узды
Балтач муниципаль районында "Тракторларга, үзйөрешле, юл-төзелеш һәм башка машиналарга һәм тагылмаларга техник караулар үткәрү " нең расланган графигы нигезендә 2022 елның 18 мартыннан агросәнәгать комплексы өлкәсендә әлеге чаралар башланды.
Дәүләт техник күзәтчелек бүлеге алдына куелган бурыч-үзйөрешле машиналарга, тракторларга һәм аларга тагылмаларга ел саен техник карау уздыру. Техник карауның иң мөһим максаты-үзйөрешле машиналарны һәм тагылмаларны куркынычсыз эксплуатацияләүне, кешеләрнең һәм мөлкәтнең тормыш-көнкүрешен һәм сәламәтлеген, әйләнә-тирә мохитне саклауны тәэмин итү. Моның өчен һәр берәмлек эшкә сыйфатлы әзер булырга тиеш, ә бу техниканы эксплуатацияләү махсус өйрәтелгән персоналга йөкләнергә тиеш.
24 март көнне әлеге чара «Труд»ҖЧҖ тарафыннан үткәрелде. Әзерлек сызыгына 30 берәмлек техника һәм 23 берәмлек тагылма тәкъдим ителде.
Техник карау вакытында тикшерелде:
- машиналарның техник торышы (тормозларның, руль идарәсенең, ут приборларының, тавыш сигналының төзеклеге, комплектлылык, тагылма иминиятләштерүнең төзеклеге).
-медицина аптечкасы, яктылыкны кире кайтаручы жилетлар, ут сүндергеч, авария тукталышы билгесе булу.
- марканың, Дәүләт теркәү билгесенең, машинаның теркәлү һәм паспорт турында таныклыкта язылган агрегатларның номерларының туры килүе.
-тракторчы-машинист таныклыгы, әлеге категориядә аңа беркетелгән машина белән идарә итүгә рөхсәт бирә торган билгеләр бар.
Гомумән алганда, хуҗалыкларның барлык техникасы да техник карау уңышлы узып, әзерлек бик югары бәйләнде. Шуны да билгеләп үтәргә кирәк, "Труд" ҖЧҖ баш инженеры Гыйльманов Рафаил Рәшит улы агросәнәгать комплексы системасында озак еллар намуслы хезмәте өчен Россия Федерациясе Авыл хуҗалыгы министрлыгының Мактау грамотасы белән бүләкләнгән иде.
