«Ярдәм янәшә!» хәйрия акциясе

2020 елның 22 мае, җомга

Бүген, 22 май көнне, Балтач муниципаль районына «Ярдәм янәшә!» хәйрия акциясенең икенче траншы килде. Акция кысаларында Балтач районында яшәүче 505 кеше азык-төлек җыелмалары алачак.

Фургон килүгә үк волонтерлар һәм авыл җирлекләре башлыклары җыелмаларны бушата башладылар, ә аннан соң адреслар буенча азык - төлек таратуга керештеләр.

Исегезгә төшерәбез, масштаблы «Ярдәм янәшә! Помощь рядом!» хәйрия акциясе Татарстан Президенты Рөстәм Миңнеханов инициативасы белән башланып китте.

«Ярдәм янәшә! Помощь рядом!» акциясе кысаларында 6 категория гражданнарга мондый ярдәм күрсәтеләчәк.