ЯҢАЛЫКЛАР
Балтач үзәк китапханәсе хезмәткәрләре “Книжная среда” проекты кысаларында “Паркта җәйге китапханә” эшчәнлеген дәвам итәләр.
8 нче август көнне Карадуган авыл клубында Балтач район башкарма комитеты җитәкчесе Хәйретдинов Айдар Фоат улы катнашында халык җыены булып узды.
14 нче август көнне Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов урып-җыю эшләренең барышы белән танышу максатында Татарстанның Чүпрәле, Апас һәм Кайбыч районнарында булды.
10 нчы август көнне Түбән Кенә авыл клубында яшьләр форумы булып үтте. Форумда Кече Лызи, Таузар, Кенәбаш, Шубан һәм Түбән Кенә авылы яшьләре катнашты. Яшьләргә эшлекле уен тәкъдим ителде. Уен барышында барлык яшьләрне 5 төркемгә бүлеп, аларга бизнес план төзергә тәкъдим ителде. Һәр төркемгә аерым-аерым тармак бирелде: спорт, мәгариф, мәдәният, сәламәтлек, авыл хуҗалыгы.
2019 нчы елның 14 нче августында «Факел» яшүсмерләр клубы хезмәткәрләре мөмкинлекләре чикләнгән кешеләрне шатлык, тылсым һәм күңел ачу атмосферасына чумарга чакырдылар.
2019 нчы елның 14 нче августында “Наз" халыкка социаль хезмәт күрсәтү үзәге белгечләре “Сабантуй” ял паркында «Инвалидларга социаль ярдәм күрсәтү чаралары турында» мәгълүмат блогын үткәрделәр.
Авыл мәктәпләреннән 22 яшь татарстанлы «Агро НТИ — 2019» конкурсының финал этабында катнашчак. Иң яхшылар исемен алу өчен, татарстанлылардан тыш, Волгоград, Кемерово, Новосибирск һәм Саратов өлкәләре вәкилләре ярышачак. Балалар АПК өлкәсендә цифрлы технологияләр куллану күнекмәләрен күрсәтәчәкләр һәм роботлаштыру буенча биремнәрне чишәчәкләр. Катнашучыларга авыл хуҗалыгы тармагының берничә юнәлеше буенча инженерлык ярышларын үтәргә турычәк, болар: АгроМетео, АгроКосмос, АгроКоптерлар һәм АгроРоботлар.
14 нче август көнне Балтач районына эшлекле сәфәр белән Татарстан Республикасы икътисад министрының беренче урынбасары Сибгатуллин Рөстәм Рәфкать улы килде.
Татарстан Росреестры, үз карамагындагы күчемсез милек объектлары белән шәхси катнашмыйча сату-алу эшләрен тыярга теләүче гражданнарның мөрәҗәгатьләре саны арту сәбәпле, тиешле гаризалар бирү тәртибен аңлата.
2019 нчы елның 9 нчы август көнендә “Балтач” спорткомплекс бинасында район яшьләр бүлеге, ЗАГС һәм культура бүлеге белән берлектә “Яшь гаилә” клубы утырышы узды.