ЯҢАЛЫКЛАР
Татарстан Республикасы буенча Росреестр идарәсе барлык Татарстан халкың Халыклар бердәмлеге һәм Татарстан Конституциясе көне белән тәбрик итә. Халыкка уңайлы булсын өчен документларны тапшыру һәм кабул итү графигын тәкъдим итә: 3 ноябрьдә 8:00 дән 12:00 гә кадәр эшли; 4,5,6 ноябрь ял көннәре.
2018 елның 27 октябрендә 10.00 сәгатьтә. Балтач муниципаль район башлыгы Р. Р. Нотфуллин рәислегендә өченче чакырылыш Балтач район Советы Президиумы утырышы узды. Утырышта Балтач район Советының чираттагы утырышына чыгарыла торган сораулар каралды. Балтач район башкарма комитеты җитәкчесенең беренче урынбасары И. С. Галимуллин, Финанс-бюджет палатасы рәисе Р. М. Ильясов, Балтач муниципаль районы башлыгы урынбасары Н.Н. Сабирҗанов чыгыш ясадылар.
Балтач район Советының егерме бишенче утырышын 2018 елның 1 ноябрендә 8.00 сәгатьтә үткәрү планлаштырыла.
Таузар авылында гомер итүче Галиуллина Мәдинә Галиулла кызына 27 октябрь көнне 90 яшь тулды.
2018 елның 29 октябрендә төнлә һәм көндез Татарстан Республикасы территориясендә урыны белән төньяк-көнбатыш җилнең көчәйүе 16 м/с кадәр көтелә.
Юлларның аерым участокларында бозлавык барлыкка килергә мөмкин.
2018 елның 5 ноябрендә Балтач шәһәр тибындагы бистәсендә авыл хуҗалыгы ярминкәсе узачак. Автотранспорт хәрәкәте өчен урамнар ябылачак. Шуның белән бәйле рәвештә, Нариман урамы буенча 5.30 сәгатьтән 13.00 сәгатькә кадәр ике яклы хәрәкәт оештырылачак.
Татарстан Республикасы буенча Росреестр идарәсенең җитәкчелегенә татарстанлылар skype сервисы аркылы элемтәгэ чыга алачак. Элемтәгә чыгар өчен алдан электрон адреска skype@rosreestr.org гариза җибәрергә кирәк, исем-фамилия, логин Skype, телефон номерын күрсәтергә кирәк. Бигрәк тә бу хезмәт мөмкинлекләре чикләнгән һәм авыл җирлегендә яшәүче кешеләр өчен уңайлы.
2018 елның 26 октябрендә Татарстан Республикасы территориясендә урыны белән көтелә: - төнлә көчле яңгыр; - көндез көньяк-көнбатыштан исүче җилнең тизлеге секундына 16 метрга кадәр.
“Без сезнең янда” программасын тормышка ашыру кысаларында, 2018 нче елның 25 нче октябрендә “Наз” Халыкка социаль ярдәм күрсәтү үзәге белгечләре “Бакый Зыятдинов исемендәге Карадуган гимназиясе” һәм “Нөнәгәр урта гомуми белем мәктәбе”нең коррекцион сыйныфларында мөмкинлекләре чикле укучылар белән “Мин мондый, ә син нинди?” дип исемләнгән чара үткәрделәр.
Югары Шубан авылының Үзәк урамы буенча гражданнарның үзара салым акчасына янгынга каршы гидрант урнаштырылды.
ВЛКСМ га 100 ел булу уңаеннан, 2018 нче елның 24 нче октябрендә Балтач гомуми урта белем мәктәбендә “Наз” Халыкка социаль ярдәм күрсәтү үзәге социаль педагогы Лилия Зарипова “Комсомол” дип исемләнгән чара үткәрде.