Балтач муниципаль районы

"Ак калфак” Бөтендөнья татар хатын-кызлары иҗтимагый оешмасының “Милли рухлы гаилә учагының Син Асыл зат – Гаилә тоткасы” дип исемләнгән зур мәдәни чара“

2014 елның 13 ноябре, пәнҗешәмбе

2014нче елның 12нче нояберендә кабат районыбызда “Ак калфак” Бөтендөньятатар хатын-кызлары иҗтимагый оешмасының “Милли рухлы гаилә учагының Син Асыл зат – Гаилә тоткасы” дип исемләнгән зур мәдәни чара булып узды. Кунакларыбызны татар халкының искиткеч матур милли йолалары, кул эшләре, гореф-гадәтләре күрсәтелгән чаралары белән Борбаш авыл җирлеге кабул итте. Чараның бер өлеше Борбаш урта мәктәбендә балаларга “Әхлак тәрбиясе” бирү, татар халкының онытылмас йолаларын күрсәтү белән башланып китсә, ә Борбаш мәдәният йортында бай эчтәлекле күргәзмә һәм Балтач мәдәният үзәге хезмәткәрләре әзерләгән әдәби-музыкаль кичә узды. Кичәдә җәмгыяттә, гаиләдә хатын-кызның роле һәр яклап ачылды. Бәйрәмгә Республикабызның танылган газета-журналларының хәбәрче-журналистлары да килгән иде һәм мәртәбәле кунакларыбыз тирән эчтәлекле чыгышлар ясадылар:

- Фазлыев Җәлил Васил улы – Татарстан Республикасының Баш казые.

“Халкы гүзәл кыз бала-

Гаиләсе өчен олуг байлык.”

- Камалиева Наилә Нургаяз кызы – Балтач үзәк район хастаханәсе акушер-гинекологы.

“Әхлакны сау-сәламәт хатын-кыз –

балаларыбыз һәм җәмгыятебез күрке”

- Әхмәтханова Зөһрә Рәфкат кызы – граҗданлык хәле актлар теркәү бүлеге җитәкчесе.

“Гаилә – җәмгыятьнең көзгесе”

- Гәйнетдинов Илһам Фәләхетдин улы – Балтач район башкарма комитеты җитәкчесе урынбасары.

- Идрисова Кадрия Рәис кызы -“Ак калфак” Бөтендөнья татар хатын-кызларының иҗтимагый оешмасы җитәкчесе.

– “Милли киемнәргә күңел тарта” –

Кичәдә район үзешчән сәнгать коллективларына милли рухта тегелгән костюмнар иҗат итүче “Айлин” ательесы үзенең киемнәрен тәкъдим итте.

БАРЛЫК ЯҢАЛЫКЛАРНЫ УКУ