Паспорт тапшыру тантанасы

2014 елның  26 сентябрь көнендә  Балтач районы гражданлык  хәле актларын теркәү бинасында 9 балага паспорт тапшыру тантанасы үтте.Әлеге тантанада Россия федераль миграция хезмәтчелеге идарәсенең  Балтач  районы буенча бүлекчәсе  инспекторы  Минһаҗева Фәйрүзә котлап балаларга паспортларын тапшырганнансоң, кыскача гына паспорт бирелү, алмаштыру  тәртипләренә тукталып узды.  Балтач районы яшьләр эшләре, спорт  бүлеге җитәкчесе  Заһидуллин Р.Р., Бердәм Россия сәяси партиясе Балтач җирле бүлеге башкарма комитеты җитәкчесе Фазылҗанова Р.А., район советы оештыру бүлеге җитәкчесе Мөхәммәтҗанова Р.Х. яшь балтачлыларга шулай ук үзләренең  матур теләкләрен җиткезделәр.