Чебурашканың туган көне Балтач үзәк балалар китапханәсендә китап күргәзмәсе янында сораштыру белән

2026 елның 20 августы, пәнҗешәмбе

20 августта Россиядә иң популяр әкият персонажларының берсе булган Чебурашканың туган көнен билгеләп үтәләр. Бу дата очраклы сайланмаган: нәкъ менә шушы көнне 1966 елда Эдуард Успенскийның колаклы җәнлек маҗаралары турында «Крокодил Гена и его друзья» исемле беренче китабы дөнья күргән.

20 август көнне Балтач Үзәк балалар китапханәсендә “Чебурашка – друг детства” дип аталган китап күргәзмәсе янында блиц-сораштыру үткәрелде.  Катнашучылар Чебурашка, аның дуслары турында сорауларга җавап бирделәр, аларга багышланган китаплар белән таныштылар.