Грипп сезонында яклау чаралары турында

Көзге-кышкы чор ел саен кискен респиратор вируслы инфекцияләр, шул исәптән грипп белән авыручыларның сезонлы күтәрелүе белән характерлана.

Мәгариф учреждениеләрендә авырулар таралуны кисәтүгә һәм инфекциянең төркемле учакларын булдыруга юнәлдерелгән чаралар комплексы гамәлгә ашырыла. Оешкан коллективларны бер-берсеннән аеру, күрсәтелгән инфекцияләрнең һава-тамчы механизмын исәпкә алып, аларның таралуын тоткарлауның иң нәтиҗәле ысулы булып тора.

Әлеге профилактик чараны куллану практикасының дәвамлы тарихы бар һәм ул сезонлы авырулар белән көрәштә үзенең югары нәтиҗәлелеген раслый.

Грипп, ОРВИ һәм коронавирус инфекциясен профилактикалауның гади чараларын искә төшерәбез:

1.  Кулларыгызны сабын белән юыгыз, антисептик кулланыгыз һәм социаль дистанцияне саклагыз.

2. Респиратор этикетны саклагыз. Җәмәгать урыннарында һәм күп кеше җыела торган урыннарда булуны киметергә тырышыгыз.

3. Авыручылар белән мөмкин булганча аралашмагыз, яисә саклык чараларын үтәгез.

4. Бинаны еш кына җилләтегез һәм чисталыгыгызны саклагыз.

5. Көн режимын саклагыз һәм сәламәт яшәү рәвеше алып барыгыз.

6. ОРВИ, грипп, коронавирус инфекциясе белән авырган очракта өйдә калыгыз һәм табибка мөрәҗәгать итегез.