"Гаилә" милли проекты балтачлыларга үз гаилә эшен башларга ярдәм итә

2025 елдан «гаилә» милли проекты кысаларында социаль контракт гамәлдә.
Татарстанның Балтач районыннан Алена Сергеевна Буянова да бу программадан файдаланды. Ул-күп балалы ана, өч искиткеч кыз тәрбияли, шуларның икесе — игезәкләр.
Алена «Ветеринария» белгечлеге буенча югары белем ала һәм шунда ук һөнәре буенча эшли башлый. 2025 елда ул дәүләт социаль ярдәме турында белдерү күргән һәм, уйлап та тормыйча, үзенең күптәнге хыялын тормышка ашырырга — үз Ветеринария клиникасын ачарга карар кылган.
Балтач районының социаль яклау бүлегенә мөрәҗәгать итеп һәм барлык кирәкле документларны тутырып, Алена кичекмәстән үз идеясен тормышка ашыра башлады. Ике айдан соң аның клиникасы ишекләре беренче пациентлар өчен ачылды. Бүген Аленаның үз эше бар, ул аңа тотрыклы керем китерә.
Сәфәргалиев Азат Марат улы «Гаилә»милли проекты кысаларында төзелгән социаль контракт ярдәмендә дә үз хыялларын тормышка ашыра алды.
Азат-бәхетле гаилә атасы. Хатыны белән бергә алар кыз тәрбиялиләр. Авылда үскәч, алар кечкенәдән үк эшкә керешкәннәр, шуңа күрә туйдан соң шәһәргә күчү мәсьәләсе хәтта каралмаган да. Хәзер алар Балтач районының матур Бөрбаш авылында яшиләр.
Азатның әтисе агач эшкәртү остасы була, кулдан төрле әйберләр ясый. Улы әтисенең эшен дәвам итәргә карар кыла һәм, социаль контракт нигезендә дәүләт социаль ярдәме турында ишеткәч, шунда ук социаль яклау бүлегенә мөрәҗәгать итә. Барлык кирәкле документларны рәсмиләштергәннән һәм белгечләрдән консультация алганнан соң, Азат агач эшкәртү станогын сатып ала һәм үз эшен ача, ул тиз арада популярлаша һәм тотрыклы керем китерә башлый.