Рөстәм Миңнеханов: Татарстан эшкуарлары төбәк үсешенә зур өлеш кертә

Татарстан Республикасы Рәисе Рөстәм Миңнеханов Дәүләт Советына еллык Юлламасында республиканың социаль-икътисадый үсешендә кече һәм урта бизнесның әһәмиятен аерым билгеләп үтте.

«Кече һәм урта бизнес республикабызның социаль-икътисадый үсешендә аерым роль уйный. Глобаль трансформацияләргә карамастан, Татарстанда бизнес югары адаптивлык күрсәтте, КУЭ субъектлары саны һәм аларда эшләүчеләр саны үсүен дәвам итә», - дип ассызыклады Миңнеханов.

Татарстан Рәисе билгеләп үткәнчә, эшкуарлыкның уңышлары — хисаплардагы саннар гына түгел, ә үз хезмәтләре белән яңа эш урыннары булдыручы, төбәк икътисады үсешенә ярдәм итүче һәм әйләнә-тирәдәгеләрне рухландыручы кешеләрнең реаль тарихлары.

Рөстәм Миңнеханов илһамландыручы эшкуарлык тарихларына мисаллар китерде:

- Радмила Белавина - күп балалы әни, үзебезнең югары технологияле производствоны уңышлы үстерә, аның продукциясе дөньяның 38 иленә экспортлана.

- Ярослав Желонкин - елның иң яхшы яшь сәнәгатьчесе дип танылды.

- Карина Пикулева - үзмәшгуль буларак башлаган иде, ә бүген аның бренды Россиядә иң яхшылар рәтенә керә.

- Дилә Хәйруллина - мөмкинлекләре чикләнгән кешеләр өчен эш урыннары булдыручы социаль эшкуар һәм хәйрияче.

«Татарстан Республикасы эшкуарлык климаты үсешендә тотрыклы динамика күрсәтә. Монда төп рольне бизнесның дәүләт ярдәме чараларының киң спектрын актив файдалануы уйный, шул исәптән «Нәтиҗәле һәм конкурентлы икътисад» илкүләм проекты кысаларында, алар яңа проектларны эшләтеп җибәрергә генә түгел, ә гамәлдәге производстволарны модернизацияләргә дә мөмкинлек бирә. Елның узган чорында федераль һәм республика программалары линиясе буенча 2,6 мең кече һәм урта эшкуарлык субъекты финанс ярдәме алды. Дәүләт ярдәменең гомуми суммасы 38,7 млрд сумнан артып китте», - дип билгеләп үтте ТР Премьер-министры урынбасары - икътисад министры Мидхәт Шаһиәхмәтов.