Балтач үзәк балалар китапханәсендә " Ура! Безгә мәктәпкә барырга вакыт!”

2025 елның 2 сентябре, сишәмбе

2 сентябрьдә яңа уку елы башланып китте. Кеше гомерендә дистәләгән тапкыр кабатлана торган иң матур да, дулкынландыргыч та көннәрнең берсе ул. Тәүге тапкыр мәктәп бусагасын атлап кергән балалар өчен әлеге көн тагын да истәлекле булып калсын дигән максат белән, Балтач Үзәк балалар китапханәсенең хезмәткәрләре “Ура! Нам в школу пора!” дип аталган бәйрәм чарасын оештырдылар. Балтач урта мәктәбенең 1-Б һәм 1-В сыйныфлары укучылары Клоун, Убырлы, Куян, Гном, Тылсымчы белән бергәләп кызыклы уеннарда катнаштылар.  “Колобок”, “Виноград”, “Әкияти сандык”, “Крокодил” уеннарында балалар үзләрен тапкыр да, җитез дә итеп күрсәттеләр. Чара флешмоб белән тәмамланды.