«Дуслар әйләнәсендә» дигән чара
Инвалидлар декадасы кысаларында “Хыял” яшьләр үзәгендә сәламәтлеге мөмкинлекләре чикләнгән кешеләр өчен район чарасы узды, алар арасында “Наз” халыкка социаль хезмәт күрсәтү үзәгенең социаль хезмәт алучылары да бар иде.
Катнашучыларны район башкарма комитет җитәкчесенең беренче урынбасары Илшат Солтанович Галимуллин сәламләде. Ул төрле конкурсларда җиңүчеләрне бүләкләде һәм район инвалидлар җәмгыятенең яңа әгъзаларына әгъза билетларын тапшырды.
Теркәлгәннән һәм чәй эчкәннән соң, балалар һәм өлкәннәр, яшьләр эшләре һәм спорт бүлеге хезмәткәрләре оештырган күңелле стартларда, “дартс”, “бочча” ярышларында катнаштылар.
“Наз” халыкка социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге белгечләре “корнхол” уенын һәм дага- буенча мастер-класс үткәрделәр. Белгеч катнашучыларга керү ишеге өстендә даганы ничек дөрес элү - талисманның тарихы һәм үзенчәлекләре турында сөйләде.
Чараны уздыруда «Движение первых» һәм ДЦ «Волонтер» активистлары ярдәм итте. Бәйрәм азагында җиңүчеләр һәм ярышларда катнашучылар истәлекле бүләкләр алды. Чараның төп максаты - дуслар очрашуы, аралашу, уртак чараларны планлаштыру булды.