Балтач муниципаль районында 95 яшьлек юбилей

2024 елның 17 ноябре, якшәмбе

Соклангыч та, сынаулы да гомер юлы үтеп, тормыш тәҗрибәсе туплап, аны үзеңнән соңгы буыннарга җиткерү - олы бәхеттер.

⁣Районыбызның шундый акъәбиләренең берсе, Түбән Кенә авылында гомер кичерүче Майшәрәф Галимулла кызы Вәлиевага 95 яшь тулды! Юбилее белән котлап, аңа район башлыгының Рәхмәт хаты һәм истәлекле бүләкләр тапшырылды.

⁣

Акъәбине без дә олуг гомер бәйрәме белән тәбриклибез. Майшәрәф Галимулла кызына ныклы сәламәтлек, озын гомер, якыннары, кадерлеләре янында хөрмәт-ихтирам тоеп, сөенечтә яшәүләрен телибез!