Район башлыгының төзүчеләр көне белән котлавы
Август аеның икенче якшәмбесендә Төзүчеләр үзләренең һөнәри бәйрәм-нәрен билгеләп узалар. Төзүче ул — безнең илдә элек-электән киң таралган һәм хөрмәтле һөнәр иясе.
Дөнья икътисадының тотрыксыз булган мәлләрендә дә төзелеш индустриясен күтәрү, респуб-лика һәм федераль программаларны уңышлы тормышка ашырып, район үзәгендә һәм авылларда социаль объектлар, юллар, күперләр, торак йортлар төзү дәвам итә.
Бәйрәм көнендә без төзелеш оешмаларында хезмәт куючыларга гына түгел, төзелеш тармагында башлап юл яручыларга, ветераннарга ихлас рәхмәтләребезне белдерәбез. Сез нигез салган данлы хезмәт традицияләре — ул киләчәккә нык ышаныч. Төзелеш тармагы әнә шул җирлектә алга таба да үсәчәк, киң колач алачак.
Хөрмәтле төзүчеләр, төбәгебез өчен бик кирәкле эшегез өчен олы рәхмәтемне белдерәм. Эшегез һаман да булып торсын, үзегезгә һәм гаиләгезгә муллык, сәламәтлек, барлык яңа идеяләрегезнең тормышка ашуын теләп калам.
Хөрмәт белән, Балтач муниципаль районы башлыгы Р.Р. Нотфуллин