Районның яшь гаиләләренә социаль түләү алу хокукы турында таныклыклар тапшырылды

2024 елның 22 феврале, пәнҗешәмбе

Бүген районыбызның ике гаиләсенә «Яшь гаиләләрне торак белән тәэмин итү» программасы нигезендә торак сатып алу яки шәхси торак төзелеше объекты төзүгә социаль түләү алу хокукы турында таныклыклар тапшыру тантанасы булды.

Гарифҗановлар һәм Рахимовлар гаиләсенә сертификатны Балтач район башкарма комитеты җитәкчесе Айдар Фоат улы Хәйретдинов тапшырды.

Яшь гаиләләрнең йорт-нигезләре имин, яшәешләре бәхет-шатлыкларга тулы булсын!