Балтачның «Наз» үзәгендә "Озак вакыт карау системасында» эш дәвам итә
Нина Сидорова Балтачның «Наз» үзәгендә социаль хезмәткәр булып 2003 елдан бирле эшли. Бүгенге көндә ул ялгыз һәм ялгыз яшәүче 10 өлкән кешегә хезмәт күрсәтә, аларның 3се "Озак вакыт карау системасында".
2019 елдан Татарстан Республикасында «Демография» милли проектының «Өлкән буын» федераль проектын тормышка ашыру кысаларында өлкән яшьтәге гражданнарны һәм инвалидларны озак вакыт карау системасын булдыру буенча пилот проект гамәлгә ашырыла. 2021 елда «Демография» милли проекты кысаларында диспансеризация үткәрү вакытында Нина Сидорова үз карамагындагы булган ялгыз яшәүче 86 яшьлек Мария Денисова белән хастаханәдә йөрде. Мария Денисованың күзләре бик начар иде, ул сукыр иде диярлек. Күзләргә ясалган операция уңышлы узды. Мария апа күрә башлады.
Сүз уңаеннан, агымдагы елның 9 августына «Наз» үзәгендә 222 ялгыз һәм ялгыз яшәүче өлкән яшьтәге гражданнар тора. Кеше каравына мохтаҗ булган гражданнарга озак вакыт карау буенча социаль һәм медицина хезмәтләрен күрсәтү максатларында республикада социаль хезмәт күрсәтү учреждениеләре һәм медицина оешмаларының ведомствоара хезмәттәшлеге оештырылды. Шунысын да билгеләп үтәргә кирәк, социаль хезмәтләр өлкән яшьтәге кешеләргә һәм инвалидларга аларның кеше каравына мохтаҗлык дәрәҗәсенә карап күрсәтелә.