9 августта утырышлар залында Спас районында дуңгызларда африка чумасы чыганагы ачыклануга бәйле рәвештә, Татарстан Республикасы территориясенә йогышлы, шул исәптән аеруча куркыныч, авырулар үтеп керүне һәм таралуны булдырмау буенча республика штабының ашыгыч утырышы узды.

Татарстан Республикасы Министрлар Кабинетының Баш ветеринария идарәсе башлыгы А.Г. Хисаметдинов хәбәр иткәнчә, соңгы вакытта Россия Федерациясендә африка чумасы вирусының таралуы шактый киң колач белән алынган. Барлык яңа төбәкләр әлеге инфекция буенча имин булмаган дип игълан ителә. Инфекция кыргый кабаннар һәм йорт дуңгызлары арасында  теркәлә. Шулай ук кош гриппын профилактикалау мәсьәләсе дә күтәрелде. Кошчылык хуҗалыклары җитәкчеләренә мөрәҗәгать итеп, инфекция кертүне булдырмас өчен, предприятиене биологик яклау буенча чараларны тулысынча тәэмин итәргә кирәк. Мондый чараларны үтәү кош гриппын кертүдән саклауны тәэмин итәргә мөмкинлек бирәчәк.