ОСАГО полисы бәясенең 50% ы рәвешендә инвалидларга компенсация түләүнең яңа тәртибе билгеләнде
ОСАГО полисы бәясенең 50% ы рәвешендә инвалидларга компенсация түләүнең яңа тәртибе билгеләнде
Гамәлдәге законда медицина күрсәткечләре буенча автомобильләре булган инвалидлар, инвалид балалар яки аларның законлы вәкилләре ОСАГО полисы бәясенең 50% ы күләмендә компенсация ала алалар дип билгеләнгән.
Компенсация агымдагы календарь ел дәвамында Россия Пенсия фондының территориаль органнары тарафыннан, компенсация алу хокукына ия зат һәм аның белән беррәттән, мәҗбүри иминият килешүендә күрсәтелгән 2 машина йөртүчедән дә артмаган очракта, бер автомобильгә бирелә.
Элегрәк компенсация сорап яшәү урыны буенча РПФ бүлекчәсенә әлеге хокукны раслаучы документларның билгеләнгән исемлеге белән мөрәҗәгать итәргә кирәк иде. Хәзерге вакытта, Россия Федерациясе Хөкүмәтенең 30.12.20021 ел, № 2579 карары кабул ителүгә бәйле рәвештә, мәгълүмати системаларда кирәкле мәгълүматлар булганда, компенсация алу мөмкин булды.
РПФ тарафыннан расланган форма буенча гариза мәгълүмати системаларда кирәкле мәгълүматлар булмаганда гына кирәк булачак.
Бу очракта ПФР органы гражданинга компенсация алу хокукы булу һәм аны алу өчен гариза һәм раслый торган документлар белән мөрәҗәгать итү зарурлыгы турында хәбәр итә.
Компенсация билгеләүдән баш тарту турында Карар кабул иткәндә, РПФның территориаль органы 3 эш көне дәвамында бу хакта гражданинның Шәхси кабинетында, шулай ук хәбәрнамәне җибәрү фактын һәм датасын билгеләргә мөмкинлек бирүче башка ысул белән хәбәр итәргә тиеш.
Компенсацияне түләү РПФ бүлеге тарафыннан Бердәм мәгълүмат системасында бирү турында Карар кабул ителгәннән соң 5 эш көненнән дә артмаган вакыт эчендә, әлеге системада мәгълүмат булган граждан хисабына башкарыла.
Мондый компенсацияне түләү гражданның гаризасында күрсәтелгән счетка башкарыла.
Балтач районы прокуроры ярдәмчесе Галиуллина Г.М.