"Әдәби таяну" онлайн әдәби кунакханәсе

2021 елның 20 декабре, дүшәмбе

Балтач Үзәк китапханәсе "Әдәби җомга" дип исемләнгән чаралар циклы оештыра. 17 декабрь көнне инста дуслар "Әдәби таяну" онлайн әдәби кунакханәсендә якташ шагыйрәбез Мәгъмүрә Хөрмәтуллина белән очрашу бәхетенә иреште. Яраткан китап укучыларына нечкә кичерешле, сизгер күңелле иҗатчының әйтер сүзләре күп иде. Әңгәмә барышында Мәгъмүрә ханымның беренче шигырь язу тарихы, туган якка, кешеләргә булган мәхәббәте чагылган шигырьләре яңгырады.