"Кышның карлы, назлы әкияте"

2021 елның 16 декабре, пәнҗешәмбе

14 декабрь көнне Балтач Үзәк балалар китапханәсендә "Кышның карлы, назлы әкияте" дип атлаган фантазияле китап күргәзмәсе эшли башлады. Кар патшабикәсе үзенең яраннары – кар-бураннары белән бергә, китап укучыларыбызга китаплар да алып килгән. Фантазияле китап күргәзмәсе балаларны  табигатьнең серле ел фасылы – кыш һәм  могъҗизалы Яңа ел бәйрәме хакында китаплар укырга чакыра. Биредә Кыш бабай белән Кар кызы турында күпсанлы әкиятләр дә урын алган.