«Яшь архивчы мәктәбе»

2021 елның 2 декабре, пәнҗешәмбе

«Яшь архивчы мәктәбе» проекты кысаларында Балтач район башкарма комитетының архив бүлеге, Балтач урта белем бирү мәктәбе, Себер тракты һәм Муса Җәлил тарихы музее хезмәткәрләре бүген Балтач урта мәктәбенең 7А сыйныфы укучылары өчен Карадуган авылы музеена экскурсия оештырдылар. Балалар өчен бу үткәннәр белән очрашырга мөмкин булган урын булды, чөнки музейлар элеккеге заманнардан калган һәм хәзерге вакытта зур тарихи һәм мәдәни кыйммәткә ия булган әйберләрне саклый. Музей хезмәткәрләре Фирая Муллази кызы һәм Лилия Равил кызы барлык экспозицияләр турында җентекләп сөйләделәр, кайбер экспонатларны тотып карарга рөхсәт иттеләр, бу балаларга аеруча ошады.