2020 елның 15 сентябрендә «Балтач» ял паркында «Наз» халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлекчәсе белгечләре Балтач гимназиясе укучылары - «Волонтер» үзәге активистлары белән берлектә «Тыныч күк йөзе» акциясе үткәрделәр.
Акциянең төп максаты: терроризмга тискәре караш формалаштыру һәм балаларыбыз хакына, безнең киләчәк хакына тынычлыкны саклауга өндәү.
Акциядә катнашучылар тынычлык, халыклар дуслыгы турында сөйләштеләр, «Уяу булыгыз», «Экстремизмга юк дип әйт!» дигән белешмәлек тараттылар. Ә акция ахырында алар күккә җирдә тынычлык теләп ак һава шарлары очырдылар.