Геройлар өчен "кадрлар": Балтач районында СВО катнашучыларына яңа тормыш башларга ничек ярдәм итәләр
«Кадрлар» милли проекты кысаларында халыкны эш белән тәэмин итү үзәкләре махсус хәрби операция уздыру зонасыннан кайткан гражданнарны эшкә урнаштыруда ярдәм итүгә аерым игътибар бирәләр.
Мәшгульлек үзәкләре белгечләре комплекслы алым кулланалар, ул туры килерлек вакансия табарга гына түгел, ә тыныч тормышка җайлашу процессында һәрьяклап ярдәм күрсәтүне дә тәэмин итә.
Балтач районы мәшгульлек үзәгенең бүлек начальнигы Алмаз Сибгатуллин сүзләренә караганда, «Профессионалитет» юнәлеше буенча «кадрлар» милли проекты кысаларында үзәк район территориясендә яшәүче махсус хәрби операциядә катнашучылар белән актив хезмәттәшлек итә. Үзәктә һөнәр сайлауда, резюме төзүдә һәм эшкә урнашуда ярдәм тәкъдим ителә. Һөнәри белем бирүгә аерым игътибар бирелә.
"Эшкә урнашу процессында беренче адым булып индивидуаль консультация тора. Әңгәмә барышында махсус хәрби операциядә катнашучының һөнәри күнекмәләре, белем дәрәҗәсе, эш тәҗрибәсе һәм шәхси өстенлекләре ачыклана. Алынган мәгълүмат нигезендә эшкә урнашуның индивидуаль планы төзелә, ул үз эченә туры килә торган вакансияләр эзләүне, һөнәри белем бирүне һәм квалификациясен үзгәртүне, шулай ук психологик ярдәмне ала, » – дип аңлата Алмаз Сибгатуллин.
Мәшгульлек үзәге җирле предприятиеләргә һәм оешмаларга махсус хәрби операциядә катнашучыларны эшкә урнаштыру мөмкинлекләре һәм мондый хезмәткәрләрне эшкә алучы эш бирүчеләргә бирелә торган ташламалар турында мәгълүмат бирү өстендә актив эшли. Вакансияләр ярминкәләре, түгәрәк өстәлләр һәм башка чаралар үткәрелә, аларның максаты — эш эзләүчеләр һәм потенциаль эш бирүчеләр арасында турыдан-туры элемтәләр урнаштыру.
Мондый эшнең нәтиҗәсе булып районда свода катнашучы 4 кешенең уңышлы эшкә урнашуы, аларның тулы канлы тормышка кайтуы һәм җәмгыять үсешенә керткән өлешләре тора.
#милли проектларф
#милли проекткадрлар