#Безбергә

2020 елның 9 сентябре, чәршәмбе

2020 елның 8 сентябрендә «Көзге игелек атнасы» акциясе кысаларында «Наз» халыкка социаль хезмәт күрсәтү комплекслы үзәгенең гаилә һәм балаларга социаль ярдәм күрсәтү бүлекчәсе» белгечләре «Волонтер» үзәге активисты белән берлектә мөмкинлекләре чикләнгән балалар тәрбияләүче 2 гаиләгә барып #Мывместе#Безбергә акциясе үткәрделәр.

Активистлар һәм белгечләр яңа уку елы башлану, уку кыенлыклары, педагоглар үткәрә торган дәресләр турында әңгәмә үткәрделәр. "Кечкенә көрәшчеләргә" яхшы һәм җиңел укуларын теләделәр. Балаларга канцтоварлар һәм татлы күчтәнәчләр тапшырылды. Үзенчәлекле балалар белән очрашу балаларда да, ата-аналарда да күңелле хатирәләр калдыргандыр дип ышанабыз.