Балтач районына «Ярдәм янәшә!» хәйрия акциясенең өченче траншы кайтты

2020 елның 12 июне, җомга

Бүген, 12 июнь көнне, Балтач муниципаль районына «Ярдәм янәшә!» хәйрия акциясенең өченче траншы килде. Акция кысаларында Балтач районында яшәүче 505 кеше азык-төлек җыелмалары алачак.

Фургон килүгә үк волонтерлар һәм авыл җирлекләре башлыклары җыелмаларны бушата башладылар, ә аннан соң адреслар буенча азык - төлек таратуга керештеләр.

«Ярдәм янәшә! Помощь рядом!» хәйрия акциясе кысаларында 6 категория гражданнарга мондый ярдәм күрсәтеләчәк.