Үз-үзеңне изоляцияләү чорында өч бала анасына ярдәм күрсәтү

2020 елның 16 апреле, пәнҗешәмбе

Профилактик чаралар һәм үз-үзеңне изоляцияләү кысаларында күп кенә гаиләләрнең тормыш рәвеше үзгәрде.

Изоляциядәге өч бала анасы Марина Шишкинага шәхси эшмәкәр Нурания Гыйльмуллина («Нур» кибете), Эльмира Касыймова («Гиппократ» даруханәсе җитәкчесе), Тимирязев исемендәге авыл хуҗалыгы җитештерү кооперативы рәисе Булат Исрафилов ярдәмгә килде.

Хәйриячеләр исеменнән яшьләр эшләре һәм спорт бүлеге волонтерлары азык-төлек, памперслар һәм бәрәңге тапшырдылар.