Россия Федерациясе Урман кодексына үзгәрешләр кертелде

«Россия Федерациясе Урман кодексына һәм Россия Федерациясенең аерым закон актларына урман фонды җирләрендә һәм башка категориядәге җирләрдә урманнарны саклауны тәэмин итүгә бәйле мөнәсәбәтләрне хокукый җайга салуны камилләштерү өлешендә үзгәрешләр кертү турында» 2018 елның 27 декабрендәге 538-ФЗ номерлы Федераль закон белән торак пунктлар җирләрендә, авыл хуҗалыгы билгеләнешендәге һәм оборона җирләрендә урнашкан урманнарны куллану, саклау, яңадан торгызу үзенчәлекләре билгеләнгән.
РФ Урман кодексы "Саклагыч урманнар, эксплуатацион урманнар, резерв урманнар, аеруча саклаулы Урманнар" һәм "Урман фонды җирләренә кермәгән җирләрдә урнашкан урманнар" башлыклары белән тулыландырылды.
Урман парклары урманнардан файдалану, саклау, яклау, яңадан торгызу өлкәсендә төп территориаль берәмлекләр арасыннан төшереп калдырылган. 2020 елның 1 июленә кадәр барлык урман парклары урманчылыкларда яңарачак.
Урман фонды җирләре чикләре урманчылыкларның чикләре белән генә билгеләнә дип билгеләнде. 
Оборона һәм куркынычсызлык җирләрендә урнашкан урманнардан файдалану тәмамланганнан соң, алар рекультивацияләнергә (закон нигезендә кирәк булса) һәм урман фонды җирләре составына күчерелергә тиеш.