Балтач районында Татарстан Республикасы көне хөрмәтенә ат чабышлары уздырыла
30 август көнне Балтач районында «Сабантуй» паркы янындагы мәйданда Татарстан Республикасы көне уңаеннан, традицион ат чабышы ярышлары уздырылачак.
Ярышлар 7 төрдә узачак:
- Район җирлегеннән читтә туган ярымтокымлы атлар – 1800м
- Район җирлегендә тәрбияләнүче ярымтокымлы бияләр – 1200 м.
- Район җирлегендә тәрбияләнүче ярымтокымлы айгырлар – 1800 м.
- Татарстанда туган чиста токымлы бияләр – 1200 м.
- Татарстанда туган чиста токымлы айгырлар – 1800 м.
- Татарстаннан читтә туган чиста токымлы атлар – 1800 м.
- Район җирлегендә тәрбияләнүче гарәп атлары – 1200м.
Ярышка теркәлү вакыты 9.00 – 10.30 сәгатьләрдә, ә ярышларга старт 10.30да биреләчәк.
Ярышларда катнашу өчен атның паспорты, нәселдәнлек (токымны ачыклаучы) таныклыгы, ветеринар күзәтү үтүе хакында белешмәсе булу шарт.
Һәр җайдакка кагылышлы таләпләр:
• саклагыч шлем (каска);
• паспорт копиясе һәм медицина тикшеренүе хакында белешмә;
• 14 яше тулмаган җайдакларның әти-әниләреннән алынган рөхсәт язуы булу таләп ителә.
Хөрмәтле райондашлар, Сезне бәйрәмгә чакырып калабыз!!!
Рәхим итегез!!!