Безнең галәмнең чикләре юк

     Мамадыш районы инвалидлар берлеге иҗтимагый оешмасы чакыруы буенча, Балтач районының бер төркем инвалидлары  «Мой мир без границ» дип исемләнгән фестивальдә катнашып, уңай тәэсирләр белән кайттылар.   Әлеге чара мөмкинлекләре чикле кешеләрнең эчке дөньясын баетып, яңа дуслар табарга,  бик күп файдалы мәгълүмат алырга ярдәм итте.

     Инвалидларның әлеге чарада катнашуын оештыруда зур өлеш кертеп, иганәчелек ярдәме күрәткән Балтач бистәсеннән шәхси эшмәкәр Мошкиннар гаиләсенә чиксез рәхмәтебезне белдерәбез.