"Иҗатым аша юл ярдым!"

9-9 шушы ике сан, әйтерсең лә, яшәү белән үлемсезлек тарихы. Шигърияттә мәңгелек юл ярган олы шәхесебезнең сүнмәс рухи көче.2011 елның 9 декабрендә арабыздан киткән агабыз әле дә безгә тутыкмас иҗаты аша көч бирә сыман. 9 февраль көнне Фәнис абый Яруллинның тууына 80 ел булды. Гыйнвар аенда ук Көек авылы китапханәсендә балалар белән аның иҗатын барлый башлаган булсак, олыларыбыз белән дә искә алып тормыш юлында һәркемгә гыйбрәт булырлык мизгелләрен күздән кичердек, шигырьләрен укып күңел тынычлыгы таптык.