Балтачта "Ел хатын-кызы. Ел ир-аты: хатын-кыз карашы" республика конкурсының зона өлеше үтте.

8 февраль көнне Балтачта район мәдәният үзәгендә "Ел хатын-кызы. Ел ир-аты: хатын-кыз карашы" республика конкурсының зона туры узды. Әлеге мәртәбәле чарада райондашларыбыз  10 районнан килгән – Биектау, Арча, Әтнә,  Кукмара, Лаеш, Питрәч, Саба, Теләче, Балык-бистәсе районнары конкурсантлары белән  үз номинацияләре буенча көч сынаштылар.

 1.«Лидер ир-ат»  номинациясендә – "МДСУ-1" районара юллар идарәсе оешмасы җитәкчесе Рашит Ильясов;

2. “Хатын-кыз – ел үрнәге” номинациясендә  – Кариле авылы кызы, мактаулы исемнәргә лаек мәгариф ветераны, тарихчы,  эшмәкәр Гөлсем Миңнебаева;

3. “Өченче яшь герое “ номинациясендә - Улисьял авылыннан үзешчән сәнгатькә гашыйк ветераныбыз Татьяна Кузьмина;

4. “Хатын-кыз – мәдәният һәм рухият” номинациясендә – Карадуганнан  Муса Җәлил һәм Себер тракты музееның  директорые Фирая Зыятдинова;

5. “Хатын-кыз – ана” номинациясендә – Нөнәгәр авылыннан күпбалалы ана Зөлфидә Тләкова;

6. “Язмышым - һөнәрем” номинациясендә – Чепья авылыннан авыл хуҗалыгы хезмәтчәне Римма Кузнецова,

7. “Изге йөрәкле ир-ат” номинациясендә – үзенең игелекле гамәлләре белән мактауга лаек, район торак-коммуналь хуҗалык идарәсе хезмәткәре  мәрхәмәтле райондашыбыз Балтачтан Фаил Габдрахманов чыгыш ясады.

Балтач районыннан барлыгы 7 номинациядә катнаштылар.  Һәрбер конкурсантның чыгышында гаиләсенең, туганнарының һәм  хезмәттәшләренең көче кергән иде.  Шуңа күрә дә әлеге  бәйгедә иң актив катнашкан район буларак, райондашларыбызга олы рәхмәт белдерәбез.