ЯҢАЛЫКЛАР
1 нче октябрь көнне «Мәрхәмәтле Татарстан» кысаларында Шубан авыл китапханәсендә китап укучы балалар өйләрендә әби – бабайларына кычкырып укулар оештырдылар.
30 сентябрь көнне «Мәрхәмәтле Татарстан» кысаларында Экология елы уңаеннан Шубан авыл китапханәсе мәктәп укучылары белән авылыбызның елга – яр буйларын чистартуда катнаштылар.
Район башлыгы Рамил Рашитовичның бәйрәм котлавының чираттагысы Зур Лызи авылының беренче өлешендә яшәүче Нина Петровна Григорьева гаиләсендә тәрбияләнүче Жилина Идея Николаевнага юлланды.
"Халыкара Өлкәннәр көне" кысаларында Гондыр авылында яшәүче районның иң өлкән кешесе, тыл ветераны, 103 яшьлек Васильева Ольга Васильевнаны Балтач район башлыгы Рамил Нотфуллин, социаль яклау бүлеге җитәкчесе Алсу Гатиятуллина, Шубан авыл җирлеге башлыгы Раиф Мөҗипов котлап, изге теләкләрен җиткерделәр. Балтач муниципаль район башлыгы Ольга Васильевнага бүләк-күчтәнәчләр тапшырды.
2 октябрь көнне Борнак авыл китапханәсе “ Игелеклелек атнасы” акциясе кысаларында өлкән китап укучыларыбызның өйләренә китаплар,газет- журналлар илтеп,күзәтү ясап,күңелләрен күтәреп,изгелек эшләнелде.
Өлкәннәр ункөнлеге уңаеннан “Наз” тернәкләндерү бүлекчәсендә тернәкләнү узучылар өчен “Хыял” Яшьләр үзәге хезмәткәрләре “Көй тану” уенын уздырдылар.
“Көзге мәрхәмәтлелек атналыгы” кысаларында 2017 нче елның 30 сентябрендә “Наз” тернәкләндерү бүлекчәсе территориясе- “Хәйриячеләр аллеясендә” өлкәннәр hәм инвалидлар көче белән кошлар өчен җимлекләр ясап куелды.
“Көзге мәрхәмәтлелек атналыгы” кысаларында “Наз” тернәкләндерү бүлекчәсендә «Кешенең табигатькә йогынтысы» дип исемләнгән видео презентация күрсәтелде. Бу презентация бүгенге көндә табигатьнең нинди халәттә икәнлеген күзалларга ярдәм итте.