Балтачта туучыларга караганда үлүчеләр саны күбрәк. 

Әйе, район ГХАТ (ЗАГС) бүлегеннән алынган мәгълүматлар буенча, шундый нәтиҗәгә килергә мөмкин. Ел башыннан алып, районыбызда барлыгы 145 сабый туу теркәлгән. Бу сан узган елның 6 айлык күрсәткече белән чагыштырганда, куанырлык! Чөнки былтыр 124 бала гына туган булган. 

Тик шунысы күңелне борчый - үлем очраклары ике елда да туучыларга караганда артыграк шул. 2016 елның ярты еллыгында - 175 , быел исә 182 кеше мәңгелеккә арабыздан киткән. 

Үзләренең никахларын рәсмиләштерүчеләр, ягъни язылышу буенча 2016 елның бу чорына 80 пар теркәлгән булса, быел 5 парга кимрәк - 75 кенә. 

Ә менә аерылышучылар саны киресенчә күбрәк - агымдагы елда 30 гаилә, узган елда 22 гаилә таркалган булган.