Татарстанда чисталык икеайлыгы башланды: өмәгә чакырабыз

2026 елның 3 апреле, җомга

‎Татарстанда һәм шулай ук Балтач районынында да 1 апрельдән, «Экологик иминлек» милли проектының аерылгысыз өлеше булган санитар-чисталык икеайлыгы башланып китте. 
‎
‎Икеайлык кысаларында, 4 апрель көнне Балтач бистәсе зиратында күмәк өмә уздыру күздә тотыла. Хөрмәтле райондашлар, сезне дә Балтач бистәсе зиратын җыештыруга кушылырга чакырабыз! Өмә иртәнге сәгать 8.00 дә башланачак.
‎
‎Зиратларны чистартып, тәртипкә китереп тору – һәрберебезнең бурычы.  Каберлекләрне, зират территориясен чистарту – туганнарыбызның, якыннарыбызның рухына дога булып барып ирешсен.