Укучылар коралдан ату осталыкларын күрсәттеләр.

Берничә көн элек Балтач мәктәбе базасында “Форпост” мәктәп отрядлары арасында пневматик мылтыктан ату ярышлары булып узды.

Аны районның “Форпост” үзәге оештырды. Барлыгы 18 мәктәп катнашты. Урта мәктәпләр арасында беренчелекне – Балтач мәктәбе, икенчелекне Куныр, өченчелекне Урта Көшкәт мәктәпләре алды. Шәхси беренчелектә егетләрдән Алмаз Иванов (Балтач мәктәбе), икенчелектә – Риназ Әхмадуллин (Салавыч), өченчелектә – Рәмис Мөсәгыйтов (Куныр), кызлардан призлы урыннарны Эльвира Шиһапова (Балтач), Сылу Мөхәммәтҗанова (Балтач), Диана Григорьева (Урта Көшкәт) бүлешкән. Гомуми белем бирү мәктәпләре арасында Субаш мәктәбе – беренче, Пыжмара–икенче, Шубан – өченче урында. Егетләрдән- кызлардан призлы урыннарда Рәдис Гафурҗанов (Субаш), Индира Николаева (икесе дә Субаштан) – беренче, Рәсим Габдрахманов (Сосна), Гөлназ Җәмилева (Пыжмара) – икенче, Булат Исмәгыйлев (Шубан), Исламия Садыйкова (икесе дә Шубаннан)–өченче. “Җиңүче командаларга Кубоклар, ә иң оста атучыларга Мактау таныклыклары белән медальләр тапшырылды”, дип хәбәр итә районның “Форпост” үзәге директоры Фердинант Гыйлемҗанов.