Балтач Республика көнен бәйрәм итте

Зур төзелешләрдән соң гаҗәеп матур хәлгә китерелгән "Сабанитуй" ял һәм спорт паркында бәйрәм гөрләде. Һава торышының салкынча булуы да бәйрәм рухын төшерә алмады. Төштән соң райондагы оешма-учреждение, авыл җирлекләре командалары арасында спорт уеннары булып узды. Алар гаиләләр ярышы, стритбол, пляж футболы һәм волейболы, бадминтон, аркан тарту һәм шахмат кебек уеннарда көч сынаштылар.