Чепья авылы мәдәният хезмәткәрләре чистарту айлыгын башладылар

Чепья авылының китапханә һәм  мәдәният йорты хезмәткәрләре чистарту айлыгын башлап җибәрделәр. Башта үз территорияләрен кар астыннан чыккан чүп-чардан, көзге яфраклардан арындырсалар, аннан соң хезмәткәрләргә бүлеп бирелгән участокка юл тоттылар. Сабантуй үткәрелә торган мәйданда яшьләр ял итәргә ярата, бала-чага туп тибә. Алардан да чүп-чар шактый кала, күбесендә тәрбия дигәне җитенкерәми шул.  Мәдәният йорты артындагы буш участокка да агач-куаклар утыртылды.