"Абилимпикс"Бөтенроссия чемпионатында Балтач районы горурлыгы!
Казанда «Казан Экспо» Халыкара күргәзмә үзәге мәйданчыгында махсус хәрби операциядә катнашучылар арасында һөнәри осталык буенча «Абилимпикс»чемпионаты тәмамланды. Бу чара безнең яклаучыларыбызның рухи көче һәм җиңүгә ихтыяр көче символына әверелде.
Безнең районны чын геройлар тәкъдим итте:
«Машина йөртү эше»номинациясендә катнашкан Тәлгать Галиев.
Югары осталык күрсәткән Фидаил Хәсәнов.
Чын күңелдән СВО ветераны Фидаил Хәсәновны искиткеч җиңүе белән котлыйбыз! Ул Бөтенроссия ярышларында «буяу эше»номинациясендә мактаулы 3 урынны яулады.
Бу медаль генә түгел, якташларыбызның теләсә нинди эштә көчле булуына дәлил!
Шулай ук Тәлгать Галиевка актив катнашуы һәм районыбызны лаеклы тәкъдим итүе өчен зур рәхмәтебезне белдерәбез. Без яклаучыларыбыз белән горурланабыз һәм аларга нык сәламәтлек, иминлек һәм тыныч тормышта яңа уңышлар телибез!