Балтачта язгы кыр эшләренә йомгаклар һәм агрохимия тармагын үстерү перспективалары турында фикер алыштылар
Балтачның «Агрохимсервис» предприятиесе базасында 2026 елда язгы кыр эшләренә йомгаклар ясауга һәм известь ашламалары җитештерү, җирләрне рекультивацияләүгә һәм әче туфракны известьлауга багышланган семинар-киңәшмә узды.
Семинар эшендә Татарстан Республикасы «Агрохимсервис» предприятиеләре һәм «Недрапроект» ҖЧҖ җитәкчеләре, шулай ук Татарстан Республикасы Экология һәм табигый байлыклар министры урынбасары Алмаз Абзал улы Тугушев һәм Балтач районы башкарма комитеты җитәкчесе Айдар Фоат улы Хәйретдинов катнашты.
Семинарны «Татагрохим» ААҖ генераль директоры Наил Фарукович Гобәйдуллин үткәрде. Чара кысаларында катнашучылар Арбаш карьерының эше белән таныштылар, «Агрохимсервис» ҖЧҖ базасында техника саклау зоналарын карадылар, шулай ук ашлык склады төзелгән урында булдылар.
Семинарның төп өлешендә катнашучылар агымдагы эшләрнең торышы һәм тармакны үстерү перспективалары турында тулы мәгълүмат булган нотыклар белән таныштылар.